I Hate Love: సుబ్బు,'శ్రీవల్లీ, కిట్టయ్య ముఖ్యపాత్రల్లో నటించిన సినిమా 'ఐ హేట్ లవ్'. ఈ సినిమాను వాలెంటైన్స్ డే సందర్భంగా రెండు రోజులు ఆలస్యంగా ఫిబ్రవరి 16న విడుదల చేస్తున్నారు. తాజాగా ఈ సినిమాను ట్రైలర్‌ను గుడుంబా శంకర్ చిత్ర దర్శకుడు వీరశంకర్ లాంఛ్ చేశారు. ఈ సందర్భంగా
దర్శకుడు వీర శంకర్ మాట్లాడుతూ ట్రైలర్ చాలా అద్భుతంగా ఉంది. సహజత్వంగా బాగా చిత్రీకరించారని అన్ని వర్గాలవారికి ఈ చిత్రం నచ్చుతుందన్నారు.
అంతేకాదు డిఫరెంట్ కాన్సెప్ట్‌తో తెరకెక్కుతోన్న ఈ చిత్రం మంచి సక్సెస్ అవుతుందనే ఆశాభావం వ్యక్తం చేసారు. మన ఆడియన్స్ మంచి చిత్రాన్ని ఎప్పుడూ ఆదరిస్తారని నమ్మకం తనకు ఉందన్నారు. ఈ సందర్బంగా ఈ సినిమాను పనిచేసిన యూనిట్ సభ్యులను అభినందించారు. నిర్మాత డాక్టర్ బాల రావి (USA) మాట్లాడుతూ కథా పరంగా ఎక్కడ రాజీపడకుండా అద్భుతంగా ఈ చిత్రాన్ని తెరకెక్కించాము. గోదావరి ఒడ్డున కూర్చుంటే ఎంత ప్రశాంతంగా ఉంటుందో మా సినిమా అంత ప్రశాంతంగా ప్రేక్షకులు ఈ సినిమాను ఎంజాయ్ చేస్తారని చెప్పుకొచ్చారు.
కో- ప్రొడ్యూసర్ పాలగుమ్మి వెంకట కృష్ణ మాట్లాడుతూ మంచి చిత్రాలను ఆడియన్స్ ఆదరిస్తారనే నమ్మకంతో ఈ చిత్రం తీసామన్నారు. దర్శకుడు వెంకటేష్.వి మాట్లాడుతూ గోదావరి జిల్లా యాసతో పూర్తిగా కోనసీమ పరిసర ప్రాంతాల్లో ఈ సినిమాను షూటింగ్ చేసిన విషయాన్ని ప్రస్తావించారు. అక్కడ ప్రేక్షకులతో పాటు అన్ని వర్గాల వారికీ ఈ సినిమా నచ్చుతుంది. ఇది ఇప్పటి యూత్ ని బాగా ఆకట్టుకునే సందేశాత్మక కథ. ఈ చిత్రానికి పెద్దపల్లి రోహిత్ సంగీతాన్ని అందించారు. పాటలకి మంచి స్పందన వచ్చిందన్నారు. మా సినిమాని ప్రేక్షకులు తప్పక ఆదరిస్తారన్నారు. అలాగే అంగర శివ సాయి గౌడ ఈ సినిమాకి ఎగ్జిక్యూటివ్ ప్రొడ్యూసర్ గా పనిచేసారు.
ఈ చిత్రం రెండు తెలుగు రాష్ట్రాల్లో ఏస్ కె యల్ ఎమ్ మోషన్ పిక్చర్స్ డిస్ట్రిబ్యూషన్ ద్వారా ఫిబ్రవరి 16వ తేదీన రిలీజ్ కాబోతుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
