Breast Cancer Facts: ప్రపంచాన్ని గజగజ వణికిస్తున్న కేన్సర్ చాలా రకాలుగా ఉంటుంది. ఇందులో ఒకటి బ్రెస్ట్ కేన్సర్. మహిళల్లో ఎక్కువగా కన్పించే కేన్సర్ ఇదే. ఇండియాలో 2020 నాటికి 2 లక్షల కంటే ఎక్కువ బ్రెస్ట్ కేన్సర్ రోగులున్నారి అంచనా. ఇందులో ప్రతి పదిమందిలో నలుగురు మృత్యువుబాట పడటం గమనార్హం. అందుకే బ్రెస్ట్ కేన్సర్ కలవరం కల్గిస్తోంది.
ఇండియాలో బ్రెస్ కేన్సర్ సోకిన ప్రతి పదిమందిలో నలుగురు మరణిస్తున్నారంటే పరిస్థితి ఎంత ఆందోళనకరంగా ఉందో అర్ధం చేసుకోవచ్చు. చదువు, అవగాహన లేకపోవడంతోపాటు ఆర్ధిక పరిస్థితుల దృష్ట్యా చాలామంది బ్రెస్ట్ కేన్సర్ సోకిన మహిళలు చికిత్స చేయించకుండా ఇంట్లోనే ఉండిపోతుంటారు. తాజాగా జరిపిన కొన్ని అధ్యయనాల ప్రకారం 50 శాతం రోగుల్లో కేన్సర్ ముదిరిపోయి ఉంది. కేవలం 5 శాతం మందే తొలిదశలో గుర్తించి చికిత్స పొందుతున్నారు. బ్రెస్ట్ కేన్సర్‌ను సకాలంలో గుర్తించేందుకు కొన్ని పరీక్షలు చేయించాల్సి ఉంటుంది. స్తనంలో కేన్సర్ ఎక్కడి వరకూ వ్యాపించింది, ప్రభావం ఏ విధంగా ఉంది, స్తనం కాకుండా శరిరంలోని ఏ భాగాలకు వ్యాపించింది వంటి వివరాల ప్రకారం బ్రెస్ కేన్సర్‌ను 4 దశలుగా విభజిస్తారు.
బ్రెస్ట్ కేన్సర్ చికిత్స ఎలా ఉంటుంది.
బ్రెస్ట్ కేన్సర్ చికిత్స ప్రధానంగా ఐదు రకాల్లో ఉంటుంది. సర్జరీ కాకుండా కీమోథెరపీ, సికాయీ, హార్మోన్ మందులు, టార్గెటెడ్ థెరపీ విధానాల్లో చికిత్స ఉంటుంది. ఎవరికి ఎలాంటి చికిత్స అనేది ఆ రోగికి కేన్సర్ ఏ దశలో ఉందనే విషయంపై ఆధారపడి ఉంటుంది. సర్జరీ అనేది మొదటి మూడు దశల్లో చేస్తారు. సర్జరీ సాధ్యం కాదని ఎవరైనా డాక్టర్ చెప్పాడంటే దానర్ధం కేన్సర్ స్తనం కాకుండా ఇతర భాగాలకు వ్యాపించిందని అర్ధం. చివరి దశలో కీమో థెరపీ ప్రధానంగా ఉంటుంది. బ్రెస్ట్ కేన్సర్ రెండు, మూడు దశల్లో ఉన్నా లేక కేన్సర్ వేగంగా పెరిగే రకమైనా సరే కీమోథెరపీ లేదా హార్మోన్ థెరపీ ఉంటుంది. దాంతో కేన్సర్ కుదించుకుపోతుంది. ఆ తరువాత కేన్సర్ సర్జరీ చేస్తారు.
బ్రెస్ట్ కేన్సర్ సర్జరీ అనేది సాధారణంగా రెండు రకాలుగా ఉంటుంది. ఇందులో ఒకటి కేవలం కేన్సర్ సోకిన భాగాన్ని తొలగించడం. దీనినే బ్రెస్ట్ కన్జర్వేషన్ సర్జరీ అంటారు. ఆ తరువాత సికాయీ లేదా రేడియేషన్ ఇవ్వాల్సి ఉంటుంది. ఇక రెండవ సర్జరీలో మొత్తం స్తనాన్ని తొలగిస్తారు. మొత్తం బ్రెస్ట్ తొలగిస్తే తరువాత బ్రెస్ట్ రీ పునర్మిర్మాణం చేయవచ్చు. దీనికి ప్లాస్టిక్ సర్జరీ అవసరమౌతుంది.
సర్జరీ లేకుండా బ్రెస్ట్ కేన్సర్ చికిత్స అవుతుందా
కొన్ని సందర్భాల్లో లేదా కొన్ని కేసుల్లో సర్జరీ అవసరం లేకుండానే బ్రెస్ట్ కేన్సర్ చికిత్స చేయవచ్చు. కానీ చికిత్స ద్వారా కేన్సర్ పూర్తిగా నయం కాదు. కేవలం కేన్సర్‌ను నియంత్రించవచ్చు. వృద్దరోగులకు ఎనస్తీషియా ఇచ్చేందుకు సాద్యం కాదు. ఇలాంటి కేసుల్లో హార్మోనల్ థెరపీతో కేన్సర్ నియంత్రించవచ్చు.
బ్రెస్ట్ కేన్సర్ లక్షణాలు
బ్రెస్ట్‌ను తాకితే నొప్పి రావడం, స్వెల్లింగ్, ఎర్రగా కందిపోవడం, స్తనంలో ఏదో ఒక భాగంలో లావుగా ఉండటం, నిపుల్ లోపలకు చొచ్చుకుపోవడం, నిపుల్ నుంచి రక్తం లాంటి రసం కారడం, బెస్ట్ నుంచి పాలు లేదా నీరు కారడం
ప్రపంచవ్యాప్తంగా కేన్సర్‌పై రకరాల పరిశోధనలు కొనసాగుతున్నట్టే..బ్రెస్ కేన్సర్‌పై కూడా విస్తృతమైన పరిశోధన జరుగుతోంది. చాలావరకూ కేసుల్లో కేవలం కీమోథెరపీతో చికిత్స చేయించవచ్చు. అయితే కీమో థెరపీతో నయం చేసే అంశం ఇంకా ప్రారంభదశలోనే ఉంది. ఇప్పటి వరకూ కేవలం వందమందిపైనే స్టడీ జరిగినట్టు తెలుస్తోంది. ఇదే అధ్యయనం వేలు, లక్షల్లో జరిగితే సర్జరీ లేకుండా బ్రెస్ట్ కేన్సర్ చికిత్స సాధ్యమా కాదా అనేది స్పష్టంగా చెప్పవచ్చు.
Also read: Health Tips: రోజూ ఈ మిశ్రమం వాడితే కంటి చూపు సమస్య పోయినట్టే, ఇంకా నమ్మశక్యం కాని లాభాలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
