Bengaluru cyber police: బెంగళూరుకు చెందిన ఓ యువకుడికి అనుహ్యమైన షాక్ తగిలింది. అశ్లీలవెబ్సైట్లలో తనకు సంబంధించిన వీడియో ఉండటం చూసి ఒక్క సారిగా కంగు తిన్నాడు. దీనితో ఆ వీడియోను తొలగించడం, ఎలా ఆ వీడియో వెబ్సైట్లలోకి వచ్చిందో తెలుసుకునేందుకు పోలీసులను ఆశ్రయించాడు.
ఇంతకీ ఏమైందంటే..
పోలీసులు చెప్పిన వివరాల ప్రకారం.. బెంగళూరుకు చెందిన 25 ఏళ్ల యువకుడు స్థానికంగా బీపీఓ ఉద్యోగం చేస్తున్నాడు. అతడికి గాళ్ ఫ్రెండ్ కూడా ఉంది. అయితే ఇటీవల ఆ యువకుడు తన గాళ్ ఫ్రెండ్తో కలిసి ఓ హోటల్లో స్టే చేశాడు.
తమకు కేటాయించిన ఆ హోటల్ గదిలో ఆ యువకుడు, తన గాళ్ ఫ్రెండ్ ఏకాంతంగా గడిపారు. ఆ తర్వాత హోటల్ నుంచి చెకౌట్ చేసి వెళ్లిపోయారు. ఇక్కడి వరకు అంతా బాగానే ఉన్నా.. సడెన్గా ఓ రోజు ఆ యువకుడు అశ్లీల వెబ్సైట్లో తాను, తన గర్ల్ ఫ్రెడ్ ఏకాంతంగా గడిపిన వీడియో ఉండటం చూసి నివ్వెర పోయాడు. ఆ వీడియో ఎవరు తీశారు, అసలు హోటల్లో ఆ వీడియో ఎలా తీశారో అని బయపడ్డాడు. దీనితో ఆ యువకుడు పోలీసులకు ఫిర్యాదు చేశాడు.
ఈ ఘటన జనవరి 21న జరగగా.. ఆ యువకుడు ఈ నెల 24న పోలీసులను సంప్రదించాడు.
దార్యాప్తు కొనసాగుతోంది..
యువకుడి ఫిర్యాదుతో కర్ణాటక సైబర్, ఎకనామిక్ అండ్ నార్కోటిక్స్ క్రైమ్ (సీఈఎన్) పోలీసులు ఈ విషయాన్ని సీరియస్గా తీసుకున్నారు. ఎఫ్ఐఆర్ నమోదు చేసి దర్యాప్తు చేస్తున్నారు.
అయితే ఆ వీడియోలో ఫిర్యాదు చేసిన యువకడు, అతని గాళ్ ఫ్రెడ్ ముఖాలను బ్లర్ చేసి ఎవరో దుండగులు అప్లోడ్ చేసినట్లు తెలిపారు పోలీసులు. అయితే ఆ యువకుడు కొన్ని గుర్తుల ఆధారంగా.. ఆ వీడియోలో ఉన్నది తాను, తన గర్ల్ ఫ్రెండే అని నిర్దారించినట్లు చెప్పారు.
ఇదిలా ఉండగా పోలీసుల ప్రాథమిక విచారణలో మరో విస్తుపోయే నిజం బయటపడింది. ఆ వీడియను ఒకే సీక్రెట్ కెమెరాతో చిత్రీకరించినట్లు లేదని తెలిపారు. ఆ వీడియోలో కెమెరా యాంగిల్స్ మారడం గుర్తించినట్లు చెప్పారు. దీని బట్టి ఎవరో దుండగులు పక్కా ప్రణాలికతో వీడియోను చిత్రీకరించినట్లు చెప్పారు. ఈ అంశంపై వివిధ కోణాల్లో దర్యాప్తు చేస్తున్నట్లు వివరించారు కర్ణాటక పోలీసులు.
Also read: February New Rules: ఫిబ్రవరి 1 , రేపటి నుంచి మారనున్న కొత్త రూల్స్, నిబంధనలు ఇవే
Also read: Viral Video: హైవే రోడ్డుపై 4 కిమీ మండుతూ వెళ్లిన ట్రక్కు.. చివరకు ఏమైందంటే? (వీడియో)!!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
