మీకోసం గానీ, మీ బంధువుల కోసం ఆన్లైన్లో రైల్వే టికెట్ బుకింగ్ చేయాలా? అయితే ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTRC) తీసుకొచ్చిన కొత్త రూల్స్ గురించి తెలుసుకోవాల్సిందే.
మొదటగా టికెట్ బుకింగ్ సేవలను పొందేందుకు ఐఆర్సీటీసీ సైట్లో మీ ఈ-మెయిల్ ఐడీ(Email id), మొబైల్ నంబర్ను (Mobile Number) ధృవీకరించాలని సూచించింది. ఈ ప్రక్రియ పూర్తయిన వారికే టికెట్ బుకింగ్ సేవలు అందుబాటులో ఉంటాయని స్పష్టం చేసింది.
ఐఆర్సీటీసీ (IRCTC) ద్వారా రెగ్యులర్గా రైలు టికెట్లు బుక్ చేసేవారికి ఈ కొత్త రూల్స్ వర్తించవు. ఎందుకంటే.. ఇప్పటికే వాళ్లు మొబైల్ నంబర్ (Mobile Number), ఈ-మెయిల్ ఐడీ (Email ID) వెరిఫై చేసి ఉంటారు. అయితే పాత మొబైల్ నంబర్, ఈ-మెయిల్ ఐడీ స్థానంలో కొత్త వాటిని అప్డేట్ చేసుకునేందుకు ఐఆర్సీటీసీ (IRCTC) వీలు కల్పిస్తోంది.
Also Read: ఒకే వ్యక్తి... 5 డోసులు.. 3 రకాల కోవిడ్-19 వ్యాక్సిన్లు.. తరువాతేం జరిగింది ??
అయితే ఐఆర్సీటీసీ తీసుకొచ్చిన ఈ నూతన రిజిస్ట్రేషన్ ప్రక్రియ పూర్తి చేయడం అంత కష్టమైన పనేం కాదు. కేవలం 2 నిమిషంల్లోనే ఈ-మెయిల్ ఐడీ, మొబైల్ నంబర్ను ధృవీకరించొచ్చు. మీ మొబైల్ లేదా కంప్యూటర్ ద్వారా సులభంగానే ఈ ప్రక్రియను పూర్తి చేయొచ్చు.
వెరిఫికేషన్ ప్రాసెస్ ఇలా..
1. ముందుగా ఐఆర్సీటీసీ వెబ్ పోర్టల్ను (irctc.co.in) ఓపెన్ చేసి.. ఐడీ, పాస్వర్డ్తో లాగ్ ఇన్ అవ్వండి.
2. హోం పేజీలోనే మీకు వెరిఫికేషన్ విండో కనిపిస్తుంది. దానిపై క్లిక్ చేయండి.
3. ఇక్కడ మీ ఈ-మెయిల్ ఐడీ, మొబైల్ నంబర్ ఎంటర్ చేయండి.
4. ఇప్పటికే వెరిఫై చేసి ఉంటే.. కొత్త నంబర్, ఈ-మెయిల్ ఐడీని కానీ ఎడిట్ చేసుకోవచ్చు. ఇందుకు ఎడమ వైపు ఉన్న ఎడిట్ ఆప్షన్ పై క్లిక్ చేసి ఆ వివరాలను మార్చుకోవచ్చు. ఇంతకు ముందు ఈ అవకాశం ఉండేది కాదు.
Also Read: Talibans: ఇండియాతో సత్సంబంధాలే మా లక్ష్యం : తాలిబన్లు
5. ఇందులో మీ డీటెయిల్స్ను సరిచూసుకుని నమోదు చేసి సబ్మిట్ క్లిక్ చేయండి.. అప్పుడు మీ మొబైల్ నంబర్కు ఓటీపీ వస్తుంది.
6. ఆ ఓటీపీని ఎంటర్ చేయడం ద్వారా మీ మొబైల్ నంబర్ ధృవీకరకణ పూర్తవుతుంది.
7. మొబైల్ నంబర్ను ధృవీకరించినట్లుగానే.. మెయిల్ ఐడీకి వచ్చే ఓటీపీని ఎంటర్ చేయడం ద్వారా.. ఈ-మెయిల్ని కూడా వెరిఫై చేయండి.
ఈ ప్రక్రియ పూర్తయితే మీరు టికెట్ బుకింగ్ సేవలను వినియోగించుకోవచ్చు. ఈ ప్రక్రియ ఒక సారి పూర్తి చేస్తే సరిపోతుంది. టికెట్ బుక్ చేసుకునే ప్రతి సారి చేయాల్సిన అవసరం లేదు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
