ITR Refund Scam: ఇన్‌కంటాక్స్ రిటర్న్స్ దాఖలు చేసే గడువు ముగిసింది. జూలై 31న గడువు ముగిసేనాటికి దేశవ్యాప్తంగా 7 కోట్ల 28 లక్షలమంది రిటర్న్స్ ఫైల్ చేశారు. ఇప్పుడిక డిసెంబర్ 31 వరకూ జరిమానాతో దాఖలు చేయాల్సి ఉంది. ఇప్పటికే రిటర్న్స్ దాఖలు చేసినవాళ్లంతా రిఫండ్ కోసం నిరీక్షిస్తున్నారు. ఈ క్రమంలో రిఫండ్ స్కామ్ వెలుగుచూసింది. ఈ స్కామ్ పట్ల అప్రమత్తంగా ఉండాలని ఇన్‌కంటాక్స్ శాఖ ప్రజల్ని అలర్ట్ చేస్తోంది.
ఆన్‌లైన్ మోసాలు రోజురోజుకూ పెరుగుతున్న క్రమంలో కొత్త తరహా మోసాలు వెలుగుచూస్తున్నాయి. ఇప్పుడు కొత్తగా ఇన్‌కంటాక్స్ రిటర్న్స్ ప్రీ టెక్స్ట్ పంపించి స్కామ్ చేసేందుకు ప్రయత్నిస్తున్నారు. ఈ తరహా స్కాంల విషయంలో జాగ్రత్తగా ఉండాలని ఆదాయపు పన్ను శాఖ హెచ్చరిస్తోంది. ఫోన్‌లో మెస్సేజ్ ద్వారా లేక మెయిల్ ద్వారా పాప్ అప్ నోటిఫికేషన్ వస్తుంటుంది. మీరు ఇన్‌కంటాక్స్ రిఫండ్‌కు అర్హులంటా నోటిఫికేషన్ వస్తుంది. ఈ తరహా మోసాల పట్ల జాగ్రత్తగా ఉండాలని, అవసరమైతే ఇన్‌కంటాక్స్ అధికారులతో నేరుగా మాట్లాడాలని సూచిస్తోంది.
ఇన్‌కంటాక్స్ రిఫండ్ స్కామ్ ఏంటసలు
ఈ స్కాంలో భాగంగా మీ మొబైల్‌కు పాప్ అప్ నోటిఫికేషన్ వస్తుంది. అందులో కంగ్రాట్యులేషన్స్...మీరు 15 వేల రిఫండ్‌కు అర్హులయ్యారు మీ ఎక్కౌంట్ నెంబర్ వెరిఫై చేసుకుని రిఫండ్ పొందమంటూ ఉంటుంది. లింక్ ఇచ్చి క్లిక్ చేయమంటారు. ఆ లింక్ క్లిక్ చేసి మీ ఎక్కౌంట్ సమాచారం అడుగుతారు. అదంతా ఫిల్ చేసి ఇచ్చారంటే మీ ఎక్కౌంట్ నుంచి డబ్బులు మాయమౌతాయి
ఈ తరహా రిఫండ్ స్కామ్ దృష్టిలో ఉంచుకుని ఇన్‌కంటాక్స్ శాఖ ఎక్స్ వేదికగా అందర్నీ ముఖ్యంగా ట్యాక్స్ పేయర్లను హెచ్చరించింది. ఈ తరహా మెస్సేజ్‌లకు స్పందించవద్దని కోరుతోంది. రిఫండ్‌కు సంబంధించి ఏదైనా సమస్య ఉంటే నేరుగా ఇన్‌కంటాక్స్ శాఖ సిబ్బందిలో మాట్లాడాలని కోరుతోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
