తమిళ్ స్టార్ హీరో విక్రమ్ కుమారుడు ధృవ్పై చెన్నై పోలీసులు కేసు నమోదు చేశారు. ర్యాష్ డ్రైవింగ్ కింద కేసు నమోదు చేశారు. ఆదివారం తెల్లవారుజామున ధృవ్ నడుపుతున్న కారు రోడ్డుపై నిలిచి ఉన్న మూడు ఆటోలపైకి దూసుకెళ్లింది. ఈ ఘటనలో ఓ ఆటో డ్రైవర్‌కు కాలు విరిగిందని.. డైవర్ల ఫిర్యాదు మేరకు కేసు నమోదు చేసినట్లు పోలీసులు తెలిపారు.
కాగా ధృవ్ 'వర్మ(తెలుగులో అర్జున్ రెడ్డి)' అనే చిత్రంతో త్వరలోనే కోలీవుడ్‌లో ఎంట్రీ ఇవ్వనున్నాడు. ఈ విషయాన్ని విక్రమ్ స్వయంగా వెల్లడించారు. అంతేకాకుండా ఈ సినిమాకు సంబంధించి ఫస్ట్ లుక్ పోస్టర్‌ను విడుదల చేశారు. విక్రమ్ తన ఇన్‌స్టాగ్రమ్‌‌లో అర్జున్ రెడ్డి రీమేక్ ఫస్ట్ లుక్‌ను విడుదల చేశారు. ఇందులో ధ్రువ్‌ గడ్డంతో ఉన్న స్కెచ్‌ ఆకట్టుకుంటోంది.
శేఖర్ కమ్ముల దర్శకత్వంలో తెలుగులో కూడా ధృవ్ ఓ ప్రాజెక్టు చేయనున్నట్లు సమాచారం. అయితే అధికారిక ప్రకటన వెలువడాల్సి ఉంది.
