Sarangapani Jathakam Teaser: టాలీవుడ్ కమెడియన్ ప్రియదర్శి.. కమెడియన్ గానే కాకుండా హీరోగా సత్తా చూపెడుతున్నాడు. ఇప్పటికే మల్లేశం, బలగం, జాతి రత్నాలు సినిమాలతో హీరోగా మెయిన్ లీడ్ గా సత్తా చూపెడుతున్నాడు. త్వరలో ‘సారంగపాణి జాతకం’ సినిమాతో ఆడియన్స్ ముందుకు రాబోతున్నాడు. టీజర్ విషయానికి వస్తే... హీరో జాతకాలను బాగా నమ్ముతాడు. 'మన జీవితం మొత్తం మన చేతిలోనే రాసి ఉంటుంది అని చెబుతాడు. ప్రతిరోజూ ఉదయం పేపర్ చూసి అందులో రాసింది నిజం అవుతుందని నమ్మడమే కాదు, నిజమైన రోజు చుట్టుపక్కల ఎవరున్నారు? ఏం అవుతుంది? అనేది పట్టించుకోకుండా తన ఆనందాన్ని అందరి ముందు వ్యక్తం చేసే యువకుడి కథ. మరి, ఆ జాతకాలపై అతి నమ్మకం వల్ల అతని లైఫ్ లో ఎలాంటి పరిస్థితులను ఫేస్ చేసాడు. ప్రేమించిన అమ్మాయిని పెళ్లికి సిద్ధమైన మండపంలో ఒకరిని సారంగపాణి ఎందుకు చంపడానికి ప్రయత్నించాడనేది ఆసక్తి రేకిస్తోంది. నరేష్ ను ఎందుకు కత్తితో పొడిచాడు? అది నిజమా? కలా? అతని జీవితంలో కీచకుడు ఎవరు? కీచకుడిగా తనికెళ్ళ భరణి ఎటువంటి క్యారెక్టర్ చేశారు? సుందరమ్మ మరణిస్తే హీరో ఎందుకు ఆనందంగా ఫీలయ్యాడనేది తెలియాలంటే డిసెంబర్ 20న థియేటర్లలో సినిమా చూడాల్సిందే. ఈ సినిమాలో ఇతర ముఖ్యపాత్రల్లో శ్రీనివాస్ అవసరాల, 'వెన్నెల' కిశోర్, హర్ష చెముడు నటించారు.
'మొత్తం మనిషిలో ఆ ఒక్క పార్ట్ గుర్తుందా ఈవిడకి' - 'బీ కార్పొరేట్, నాట్ డెస్పరేట్' అని 'వెన్నెల' కిశోర్ చెప్పే డైలాగ్స్ నవ్వించడం ఖాయం అని చెప్పొచ్చు. 'సారంగం అని ధనుస్సు చేతిలో ఉన్నవాడు సారంగపాణి', 'నా దగ్గర విరుగుడు మంత్రాలు, పూజలు, తాయత్తులు ఉండవు' అని శ్రీనివాస్ అవసరాల, 'నాలాంటి ప్రాక్టికల్ మనిషికి ఇలాంటి జాతకాల పిచ్చోడు కొడుకుగా ఎలా పుట్టాడే' అని తండ్రి పాత్రలో వడ్లమాని శ్రీనివాస్, 'నా ఫ్యామిలీ, నా ఫ్రెండ్స్, నా ఆఫీస్' అంటూ హీరో పదేపదే చెప్పే మాట కథపై క్యూరియాసిటీ క్రియేట్ చేస్తున్నాయి.
టీజర్ విడుదల అనంతరం విజయ్ దేవరకొండ మాట్లాడుతూ... ''నా బ్రదర్ దర్శి (ప్రియదర్శి)తో నా కెరీర్ షురూ చేశాను. ఇంట్రెస్టింగ్ కథల్లో లీడ్ రోల్స్ చేస్తూ మనకు మంచి సినిమాలు అందిస్తున్నాడున్నాడు. అతను హీరోగా నటించిన లేటెస్ట్ సినిమా 'సారంగపాణి జాతకం' టీజర్ ఇప్పుడే చూశాను. అందులో... దర్శి పాత్రకు జాతకాల మీద నమ్మకం ఉంటుంది. జాతకాలు ఎంత నిజం అనేది నాకు తెలియదు. 'పెళ్లి చూపులు' చేసినప్పుడు మేం ఈ స్థాయికి వస్తాం అని ఊహించలేదన్నారు. డెస్టినీ మమ్మల్ని ఇక్కడికి తీసుకొచ్చిందన్నారు. ఈ సినిమా ప్రేక్షకులకు తప్పకుండా నచ్చుతుందనే ఆశాభావం వ్యక్తం చేశారు.
ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
