Rajinikanth - Lal Salaam: గత కొన్నేళ్లుగా రజినీకాంత్ సినిమాలు బాక్సాఫీస్ దగ్గర సరైన సక్సెస్ సాధించడం లేదు. ఈ టైమ్‌లో గతేడాది నెల్సన్ దిలీప్ కుమార్ దర్శకత్వంలో తెరకెక్కిన 'జైలర్' మూవీతో పవర్‌ఫుల్ కమ్ బ్యాక్ ఇచ్చారు. ఈ మూవీ తమిళనాడులో ఎన్నో రికార్డులను స్మాష్ చేసింది. ఈ మూవీ తర్వాత రజినీకాంత్ తన కూతురు ఐశ్వర్య దర్శకత్వంలో తెరకెక్కిన 'లాల్ సలాం' మూవీ చేసారు. ఈ మూవీలో మెయినుద్దీన్ బాయ్ అనే డాన్ పాత్రలో కనిపించనున్నారు. ఈ సినిమాలో సూపర్ స్టార్ రజినీకాంత్‌తో పాటు ఇతర కీలక పాత్రల్లో విష్ణు విశాల్, విక్రాంత్ నటించారు. ఇక క్రికెట్ లెజెండ్ కపిల్ దేవ్ ఈ సినిమాలో మరో కీలక పాత్రలో కనిపంచనున్నారు. తాజాగా ఈ సినిమా సెన్సార్ పూర్తి చేసుకుంది. అంతేకాదు యూ/ఏ (U/A) సర్టిఫికేట్ జారీ చేసారు. ఈ సందర్బంగా సెన్సార్ వాళ్లు మాట్లాడుతూ.. ఈ సినిమా ఎమోషనల్‌తో కూడిన జర్నీలా ఉందని చెబుతున్నారు. ఇక మెయినుద్దీన్ పాత్రలో రజినీకాంత్ ఎంట్రీ ఈ సినిమాకు హైలెట్ అని చెబుతున్నారు. థియేటర్స్‌లో ఈ సినిమాను చూసి ప్రేఓకులు థ్రిల్ ఫీలైవుతారని చెబుతున్నారు.
ఈ సినిమా స్టోరీ విషయానికొస్తే.. ఓ ఊరిలో ఓ సమస్య పరిష్కారం కోసం రెండు వర్గాలు పోట్లాడుకుంటాయి. ఈ సమస్యను క్రికెట్ ఆటతో ముగింపు ఎలా పలకాడో అనే కాన్సెప్ట్‌తో ఈ సినిమా తెరకెక్కింది. ఇందులో రజినీకాంత్ ఇరు వర్గాలను సముదాయించే డాన్ మొయినీద్దిన్ పాత్రలో కనిపించనున్నారు. ఈ సినిమాకు ఓ బ్యాడ్ సెంటిమెంట్ వెంటాడుతుంది. పెదరాయుడు మినహాయిస్తే.. తలైవా అతిథి పాత్రలో నటించిన చిత్రాలేవి పెద్దగా ఆడలేదు. తమిళంలో నటించిన విజయ చిత్రంతో పాటు జగపతి బాబు హీరోగా నటించిన కథానాయకుడు, హిందీలో నటించిన బులంది, ఆతంక్ హీ ఆతంక్, ఫరిష్తే వంటి చిత్రాలేవి పెద్దగా ఆడిన దాఖలాలు లేవు. ఈ నేపథ్యంలో ఈయన అతిథి పాత్రలో నటించిన 'లాల్ సలాం' మూవీ ఏ మేరకు అలరిస్తుందనేనది చూడాలి.
రజినీకాంత్ 'లాల్ సలాం' కాకుండా టీజే జ్ఞానవేల్ రాజా దర్శకత్వంలో 'వెట్టాయన్' మూవీ చేస్తున్నాడు. ఈ మూవీపై భారీ అంచనాలే ఉన్నాయి. ఈ సినిమాను లైకా ప్రొడక్షన్స్ బ్యానర్ పై సుభాష్ కరణ్ నిర్మిస్తున్నారు. ఈ సినిమాపై తమిళంలో పాటు తెలుగులో భారీ అంచనాలే ఉన్నాయి. ఈ సినిమా తర్వాత లోకేష్ కనగరాజ్ దర్శకత్వంలో నెక్ట్స్ మూవీ చేయనున్నాడు. ఓ రకంగా రజినీకాంత్ హీరోగా చివరి చిత్రం అని చెబుతున్నారు. ఏది ఏమైనా 70 యేళ్లకు పైగా వయసులో కూడా రజినీకాంత్ కుర్ర హీరోలకు ధీటుగా వరస సినిమాలు చేస్తూ ప్రేక్షకులను అలరిస్తూనే ఉండటం విశేషం.
Also read: Valentine Week: వాలెంటైన్ వీక్ కు ముందు ఘోరం.. ప్రియుడి చేతిలో మోసపోయి సూసైడ్ చేసుకున్న యువతి..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
