Sasivadane Shoot Wrap Up ప్రస్తుతం ఓ ప్యూర్ విలేజ్ లవ్ డ్రామాను చూడటం కష్టంగా మారింది. అన్నీ కూడా మాస్ మసాలా యాక్షన్ డ్రామాలే వస్తున్నాయి. హారర్ సస్పెన్స్ డ్రామాలే వస్తున్నాయి. విలేజ్ వాతావరణం, స్వచ్చమైన ప్రేమ కథలు తెరపై రావడం అరుదుగా మారింది. శశివదనే ఇప్పుడు ఆ కేటగిరీలో పడే సినిమా అవుతుంది. ప్యూర్ విలేజ్ డ్రామా, స్వచ్చమైన లవ్ స్టోరీని చూపించబోతోన్నట్టుగా కనిపిస్తోంది. ఇప్పటికే పోస్టర్, సాంగ్ ఇలా అన్నీ కూడా మంచి ఫీల్‌ను క్రియేట్ చేశాయి.
అక్షర సినిమాతో సందేశాత్మక చిత్రాన్ని నిర్మించిన అహితేజ బెల్లంకొండ.. ఇప్పుడు స్వచ్చమైన ప్రేమ కథను నిర్మిస్తున్నాడు. శశివదనే అంటూ నిర్మాత అహితేజ అందరినీ మెప్పించేందుకు రెడీ అవుతున్నాడు. తాజాగా ఈ సినిమాకు సంబంధించిన అప్డేట్ ఇచ్చాడు. శశివదనే సినిమా షూటింగ్ నేడు పూర్తయిందని తెలిపాడు. రామోజీ ఫిల్మ్ సిటీలో వేసిన పోలీస్ స్టేషన్ సెట్‌లో చివరి షెడ్యూల్ ముగిసిందని, దీంతో షూటింగ్ కంప్లీట్ అయిందని అన్నాడు.
“Sasivadane” - It’s a complete WRAP!!!
Oka Craziest police station sequence tho mugisindhii🔥🔥
Chala Jagratha ga kashtapadi chesamu…
Hopefully we willl deliver the BEST!!
Super Happy pumped for the promotions and release!!!
Need all your love ❤️#Sasivadane pic.twitter.com/n14B1re02a
— Ahiteja Bellamkonda (@ahiteja) May 20, 2023
చాలా జాగ్రత్తగా కష్టపడి చేశామని, మంచి సినిమాను అందిస్తామనే నమ్మకం ఉందని, ఇక ప్రమోషన్స్ మొదలు పెడతామని చెప్పుకొచ్చాడు. అందరి ఆశీర్వాదం కావాలని ట్వీట్ వేశాడు. ఇక నిర్మాత భార్య గౌరీ నాయుడు ఈ ట్వీట్ మీద రియాక్ట్ అయింది. నువ్ కన్న కలలన్నీ నిజం చేసుకోబోతోన్నావ్.. అంటూ స్పందించింది. భార్య వేసిన ట్వీట్ మీద నిర్మాత స్పందిస్తూ.. ఈ ప్రయాణంలో నువ్ చేసిన సాయం, అండగా నిలబడిన తీరు గురించి ఎంత చెప్పినా తక్కువే.. మాటల్లో చెప్పలేను.. నిన్న సెట్స్‌లో నిన్ను చాలా మిస్ అయ్యాను అని ప్రేమను కురిపించాడు.
అహితేజ మెగా ఫ్యాన్ అన్న సంగతి తెలిసిందే. శశివదనే హిట్టవ్వాలని, నిర్మాతగా మరో సక్సెస్ అందుకోవాలని మెగా అభిమానులు కామెంట్లు చేస్తున్నారు. శశివదనే షూట్ పూర్తవ్వడంతో మెగా ఫ్యాన్స్ నిర్మాత అహితేజకు ఆల్ ది బెస్ట్ చెబుతూ ట్వీట్లు వేస్తున్నారు. ఈ సినిమా రిలీజ్ డేట్‌ను త్వరలోనే ప్రకటించనున్నట్టుగా తెలుస్తోంది.
Also Read: Bandla Ganesh Devara : నా టైటిల్ కొట్టేశారు.. ఎన్టీఆర్ దేవరపై బండ్ల గణేష్ ట్వీట్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
