Ustaad Bhagat Singh Glimpse సాలా అనే పదం తెలుగు సినిమాకు అంతగా కలిసి రావడం లేదనిపిస్తోంది. సాలా క్రాస్ బ్రీడ్ అంటూ విజయ్ దేవరకొండ లైగర్‌తో నానా హంగామా చేశాడు. ఈ సినిమా రిలీజ్ కాక ముందు పూరి జగన్నాథ్ విజయ్ దేవరకొండ దేశమంతా రచ్చ చేశారు. అయితే లైగర్ సినిమా రిజల్ట్ తరువాత సైలెంట్ అయిపోయారు. ఈ ఇద్దరూ కలిసి చేయాల్సిన జనగణమన సినిమా షెడ్డుకు వెళ్లిపోయింది. సాలా అనే పదంతో విజయ్ పెద్ద దెబ్బ కొట్టేసినట్టు అయింది.
ఇక అదే కోవలో అఖిల్ అక్కినేని సైతం సాలా అంటూ రెచ్చిపోయాడు. వైల్డ్ సాలా అంటూ ఏజెంట్ సినిమాతో ఎగిరెగిరి పడ్డాడు. అయితే అఖిల్ ఏజెంట్ సినిమా ఎంత దారుణంగా బెడిసి కొట్టేసిందో అందరికీ తెలిసిందే. సాలా పదం వాడి విజయ్, అఖిల్‌లు బాక్సాఫీస్ వద్ద ఘోరంగా దెబ్బ తిన్నారు. సినిమాల పరిస్థితి ఇలా ఉంటే.. ఐపీఎల్‌లో బెంగళూరు పరిస్థితి ఇంకోలా ఉంటుంది.
ఐపీఎల్‌లో ఎప్పటికైనా బెంగళూరు కప్పు కొడుతుందని అంతా అనుకుంటూ ఉంటారు. ఈ సాలా కప్ నమ్డే అంటూ ఉంటారు. కానీ ఇంత వరకు బెంగళూరు కప్పు కొట్టిందీ లేదు. అయితే ఇప్పుడు పవన్ కళ్యాణ్ సైతం సాలా అంటూ భారీగా యాక్షన్ చేయబోతోన్నట్టుగా కనిపిస్తోంది. దీంతో ఇప్పుడు ఈ సాలా సెంటిమెంట్ అందరినీ వెంటాడుతోంది. పవన్ కళ్యాణ్‌కు కూడా ఫ్లాపును ఇస్తుందా? అని అభిమానులు ఆందోళన చెందుతున్నారు.
Also Read: Adipurush Trailer: ఆదిపురుష్ ట్రైలర్ రిలీజ్.. మా రాఘవుడి కథే రామాయణం.. ఆ ఒక్కటే మైనస్
అయితే ఇలాంటి సెంటిమెంట్లు ఏం చేయలేవని కొందరు ఫ్యాన్స్ ధీమాగా ఉన్నారు. ఈ సినిమాను హరీష్‌ శంకర్ తన స్టైల్లో పూర్తిగా మార్చుకున్నట్టుగా కనిపిస్తోంది. విజయ్ తేరీ సినిమాను ఇక్కడి నేటివిటీకి తగ్గట్టుగా మార్పులు చేర్పులు చేసినట్టుగా కనిపిస్తోంది. ఈ గ్లింప్స్ చూస్తుంటే గబ్బర్ సింగ్‌ను మించేలానే ఉండబోతోన్నట్టుగా అనిపిస్తోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
