తమిళ సూపర్ స్టార్ రజినీకాంత్ ప్రధాన పాత్రలో తెరకెక్కిన కాలా సినిమా రిలీజ్ డేట్ పోస్టర్ విడుదలైంది. జూన్ 7వ తేదీన కాలా సినిమా రిలీజ్ కానున్నట్టు ఈ పోస్టర్ స్పష్టంచేసింది. బాలీవుడ్ నటుడు అజయ్ దేవ్‌గన్ సోషల్ మీడియా వేదికగా లాంచ్ చేసిన ఈ రిలీజింగ్ పోస్టర్‌కి సూపర్ స్టార్ అభిమానుల నుంచి భారీ స్పందన కనిపిస్తోంది. తమిళ హీరో ధనుష్ సొంత నిర్మాణ సంస్థ వండర్‌బార్ ఫిలింస్, లైకా ప్రొడక్షన్స్ కాలా సినిమాను సంయుక్తంగా నిర్మించాయి. ఈ సినిమాలో సూపర్ స్టార్ రజినీకాంత్ ముంబైలో కరికాలనే అనే ఓ గ్యాంగ్‌స్టర్ పాత్రలో కనిపించనుండగా బాలీవుడ్‌కి చెందిన ప్రముఖ నటుడు నానా పటేకర్ విలన్ పాత్ర పోషించాడు. సూపర్ స్టార్ సరసన ఈశ్వరి రావు ఫీమేల్ లీడ్ రోల్ పోషిస్తున్న ఈ సినిమాలో బాలీవుడ్ నటి హుమా ఖురేషి మరో ప్రధాన పాత్రలో నటించింది. రజినీకాంత్‌ని కబాలిగా ప్రజెంట్ చేసిన యువ దర్శకుడు పా రంజిత్ కాలా సినిమాను డైరెక్ట్ చేశాడు.
Rajini Sir's Kaala #KingOfDharavi in Hindi on 7th June.@rajinikanth @dhanushkraja @beemji pic.twitter.com/5KpZjpB5YV
— Ajay Devgn (@ajaydevgn) May 18, 2018
ముంబైలో ధారావి ప్రాంతంలో దాదాపు మూడ్నాలుగు దశాబ్ధాల క్రితం చోటుచేసుకున్న పలు ఘటనల ఆధారంగా చేసుకుని ఈ సినిమాను తెరకెక్కించినట్టు కాలా యూనిట్ వర్గాలు మొదటి నుంచి చెబుతూ వస్తున్నాయి. జూన్ 7న రిలీజ్ కానున్న ఈ సినిమా ఆ తర్వాత మరో వారం రోజులకు రిలీజ్ కానున్న సల్మాన్ ఖాన్ రేస్-3 సినిమాతో బాక్సాఫీస్ వద్ద పోటీపడనుంది.
It’s Rajinikanth versus Nana Patekar this June... Presenting the new poster of #Kaala #KingOfDharavi [Hindi]... 7 June 2018 release... Produced by Dhanush... Directed by Pa. Ranjith. pic.twitter.com/l26P7qAFJc
— taran adarsh (@taran_adarsh) May 19, 2018
