స్టైలిష్ స్టార్ అల్లు అర్జున్, త్రివిక్రమ్ శ్రీనివాస్ కాంబినేషన్ లో వచ్చిన సినిమా 'అల వైకుంఠపురములో..' సంక్రాంతి కానుకగా వచ్చిన ఈ సినిమా.. ఇండస్ట్రీ రికార్డులను బద్ధలు కొట్టింది. పూజా హెగ్డే, నవదీప్, సుశాంత్ ప్రధాన పాత్రల్లో చిత్రం రూపుదిద్దుకుంది. ఈ సినిమా పాటలకు కూడా ప్రేక్షకుల నుంచి మంచి స్పందన వచ్చింది.
పూర్తి ఫ్యామిలీ ఎంటర్‌టెయినర్‌గా దర్శకుడు త్రివిక్రమ్ శ్రీనివాస్ ఈ సినిమాను తెరకెక్కించారు. ఈ సినిమా విడుదల కాక ముందే మ్యూజికల్ హిట్‌గా నిలుస్తుందన్న అంచనాలు భారీగా బలపడ్డాయి. దానికి తగ్గట్టే .. సినిమా కూడా ప్రేక్షకుల అంచనాలను అందుకుంది. ఇంకా చెప్పాలంటే .. ఫ్యామిలీ ఆడియన్స్‌ను బాగా అలరించింది.
Read Also: 'కరోనా వైరస్'కు వ్యాక్సిన్.. వచ్చేస్తోంది..!!
ఐతే సినిమా విడుదలకు ముందు దర్శక, నిర్మాతలు, హీరోలను ఒక అంశం బాగా కలవరానికి గురి చేసింది. సినిమా నిడివి ఎక్కువగా రావడంతో వారంతా కలవరపడ్డారు. చాలా వరకు సినిమాల్లోని దృశ్యాలను తీసివేశారు. అలాంటి ఓ దృశ్యాన్నే ఇప్పుడు గీతా ఆర్ట్స్ ఆన్ లైన్‌లో విడుదల చేసింది. ఆ సీన్ ఇప్పుడు మీ కోసం. . చూడండి.
