Telugu no 1 Hero: తెలుగు సినిమా రంగం ప్రతి రోజూ కొత్త స్థాయికి ఎదుగుతోంది. రాజమౌళి, సుకుమార్, కొరటాల శివ, త్రివిక్రమ్ శ్రీనివాస్ లాంటి దర్శకులు తెలుగు సినిమాలను దేశీయ స్థాయిలోనే కాకుండా అంతర్జాతీయ స్థాయికి తీసుకెళ్తున్నారు. ప్రభాస్, జూనియర్ ఎన్టీఆర్, అల్లు అర్జున్, రామ్ చరణ్ వంటి పాన్ ఇండియా హీరోల క్రేజ్ విపరీతంగా పెరిగింది. మహేష్ బాబు, పవన్ కల్యాణ్, చిరంజీవి, బాలకృష్ణ, నాగార్జున, వెంకటేష్, నాని, రవితేజ.. లాంటి హీరోలు తెలుగు చిత్రసీమలో తమ ప్రత్యేకతను కొనసాగిస్తున్నారు.
ప్రతి హీరోకి వారి వారి అభిమాన..సంఘాలు ఉంటాయి. ఆ హీరో అభిమానులు తమ హీరోనే గొప్ప అనుకుంటారు. అయితే ఎవరు ఏమనుకున్నా.. ఎక్కువమంది ఇష్టపడే దాన్నిబట్టి ప్రతి తరంలోనూ ఒక స్టార్ హీరో.. నెంబర్ వన్ గా నిలుస్తూ ఉంటారు. మొదట్లో ఈ స్థానాన్ని సంపాదించుకున్న హీరో సీనియర్ ఎన్టీఆర్. అప్పట్లో నాగేశ్వరరావు, కృష్ణకి ఎంతమంది అభిమానులు ఉన్నా.. నెంబర్ వన్ సైట్ లో మాత్రం సీనియర్ ఎన్టీఆర్ కూర్చోగలిగారు. ఒకరకంగా చెప్పాలి అంటే తెలుగు సినిమా ఇండస్ట్రీ ఉన్నంతకాలం.. సీనియర్ ఎన్టీఆర్ టాప్ హీరో అన్నంత పేరు తెచ్చుకున్నారు. ఇక ఆ తరువాత కాలంలో.. మెగాస్టార్ చిరంజీవి టాప్ వన్ చైర్ ని దక్కించుకున్నారు. చిరంజీవి, బాలకృష్ణ ఎంతగానో పోటీపడిన.. కొన్ని సినిమా విజయాల తేడాతో చిరంజీవి.. ఆస్థానాన్ని దగ్గించుకోగలిగారు.
కాగా తెలుగు ప్రేక్షకుల్లో.. ఈతరం నెంబర్ వన్ హీరోపై ఎప్పటికప్పుడు చర్చ జరుగుతూనే ఉంటుంది. ప్రస్తుత పరిస్థితుల్లో ఈ స్థానాన్ని నిలబెట్టుకోవడం చాలా కష్టమైంది. ఒక సినిమాతో వసూళ్ల రికార్డులు సాధించిన హీరో స్థానాన్ని, మరొక సినిమాతో కొత్త రికార్డులు సృష్టించిన హీరో తుదిదిద్దేస్తున్నారు. ఉదాహరణకు, ఒక సినిమా రూ.500 కోట్లు వసూలు చేస్తే..తరువాత మరొక సినిమా రూ.1000 కోట్లు వసూలు చేస్తోంది.
తక్కువ బడ్జెట్ సినిమాలు.. కూడా భారీ కలెక్షన్లు సాధించడం ద్వారా హీరోల స్థాయిని పెంచేస్తున్నాయి. బాక్సాఫీస్ వద్ద అధిక వసూళ్లు సాధించిన హీరోని నెంబర్ వన్ హీరోగా భావిస్తున్నారు. అయితే ఇది పర్మినెంట్ స్థానం కాకుండా, సినిమా సినిమా ఆధారంగా మారిపోతుంది. అందుకే ప్రస్తుత తరంలో..తెలుగు చిత్రసీమలో నెంబర్ వన్ హీరో ఎవరనే ప్రశ్నకు సరైన సమాధానం లేదు. కానీ, ప్రతి సినిమా థియేటర్లలో సాధించిన వసూళ్ల ఆధారంగా ప్రేక్షకులు.. అప్పటికప్పుడు పరిశ్రమ నెంబర్ వన్ హీరోను నిర్ణయిస్తున్నారు.
ఇలాంటి క్రమంలో ఇప్పుడు ఒకడే నెంబర్ వన్ హీరో అని చెప్పడం కష్టమైపోతుంది. కానీ ప్రస్తుతం ఉన్న పాన్ ఇండియా మార్కెట్ ని బట్టి చూస్తే మాత్రం.. ప్రభాస్ నెంబర్ వన్ హీరో అంటూ సోషల్ మీడియాలో ఎక్కువమంది ఓట్లు వేస్తున్నారు. ఇక ప్రభాస్ తర్వాత ఈ స్థానాన్ని.. జూనియర్ ఎన్టీఆర్ భర్తీ చేయగా.. ఆ తరువాత స్థానంలో అల్లు అర్జున్ నిలిచారు. ఇక వేరే ముగ్గురికి చెరువులో నాలుగో స్థానంలో మహేష్ బాబు ఉన్నారు. యూట్యూబ్, సోషల్ మీదుగా పేజీల్లో.. ఎన్నో సర్వేలలో.. ఈ నలుగురు హీరోలే టాప్ లో నిలుస్తున్నారు. ఇక ఐదో స్థానం రామ్ చరణ్ సొంతం చేసుకుంటూ ఉండగా.. దరిదాపుల్లో కూడా తెలుగు ప్రేక్షకులు.. విపరీతంగా ఇష్టపడే పవన్ కళ్యాణ్ లేకపోవడం గమనర్హం.
ఇది చదవండి: Ind vs Aus: ఆసీస్‌పై భారీ ఆధిక్యంతో ఇండియా, 38 ఏళ్ల రికార్డ్ బ్రేక్ చేసిన రాహుల్-యశస్వి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
