18 Pages OTT Release నిఖిల్, అనుపమ కాంబోలో వచ్చిన కార్తికేయ 2 బ్లాక్ బస్టర్ హిట్ అయింది. ఆ తరువాత వెంటనే 18 Pages అనే చిత్రం వచ్చింది. కార్తికేయ 2 కంటే ముందే 18 Pages సినిమాను ప్రారంభించారు. అయితే 18 Pages అనేది కరోనా వల్ల ఆలస్యం అవుతూనే వచ్చింది. మధ్యలో సినిమాను కొన్ని రోజులు ఆపేశారు. అసలు సినిమాను ఎప్పుడు రిలీజ్ చేద్దామా? అసలు చేయాలా? వద్దా అనే డైలామాలో కూడా మేకర్లున్నారు.
చివరకు గత డిసెంబర్‌లో 18 Pages సినిమాను థియేటర్లోకి తీసుకొచ్చారు. అప్పటికే నిఖిల్‌కు పాన్ ఇండియన్ క్రేజ్‌ ఉంది. అయినా కూడా 18 Pages చిత్రాన్ని కేవలం తెలుగులోనే రిలీజ్ చేశారు. అది తెలుగు ప్రేక్షకుల కోసం తీసిన సినిమా అని, అందుకే పాన్ ఇండియాగా రిలీజ్ చేయడం లేదని చెప్పుకొచ్చాడు నిఖిల్. ఇక రెండు తెలుగు రాష్ట్రాల్లో ఈ చిత్రం మంచి వసూళ్లను రాబట్టింది.
ధమాకా మాస్ హిట్ కాగా.. నిఖిల్ 18 Pages క్లాస్ హిట్టుగా నిలిచింది. ఇప్పుడు ఈ చిత్రం ఓటీటీలోకి వచ్చింది. థియేటర్లో మిస్ అయిన వారు ఇప్పుడు ఇంట్లోనే కూర్చుని హాయిగా చూడొచ్చు. 18 Pages సినిమా రెండు ఓటీటీ సంస్థల్లో ఉంది. నెట్ ఫ్లిక్స్, ఆహాలోనూ ఈ చిత్రం అందుబాటులోకి వచ్చింది. దీని నిర్మాత గీతా సంస్థ కాబట్టే.. ఆహాలోకి కూడా ఉంది. మరి ఓటీటీలో ఈ సినిమా ఎన్ని రికార్డులు బద్దలు కొడుతుందో చూడాలి.
నిఖిల్ ఇప్పుడు స్పై అంటూ పాన్ ఇండియా సినిమాతో రెడీ అవుతున్నాడు. స్పై తరువాత మళ్లీ కార్తికేయ 3 సినిమాతో బిజీ అవుతాడు. అనుపమ ఇప్పుడు ఫుల్ స్పీడు మీదుంది. కానీ తెలుగులో డీజే టిల్లు స్క్వేర్ తప్పా మరో ప్రాజెక్టుని అంగీకరించినట్టు కనిపించడం లేదు.
Also Read: Hunt Telugu Movie Review : హంట్ రివ్యూ.. సుధీర్ బాబు డేరింగ్ స్టెప్
Also Read: Sharwanand Engagement: ఘనంగా హీరో శర్వానంద్‌ ఎంగేజ్‌మెంట్‌.. వైరల్ పిక్స్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
