Vizag Garjana Live Updates: ఉత్తరాంధ్ర ఉడికిపోతోంది. రాజధానులపై పోటాపోటీ ఉద్యమాలతో విశాఖలో ఉద్రిక్త పరిస్థితులు నెలకొన్నాయి. అమరావతి రైతుల పాదయాత్ర ఉత్తరాంధ్రకు సమీపిస్తున్న కొద్ది టెన్షన్ వాతావరణం పెరిగిపోతోంది. మూడు రాజధానుల నినాదంతో దూకుడు పెంచిది వైసీపీ. అమరావతి రైతుల పాదయాత్రకు కౌంటర్ గా విశాఖలో నాన్ పొలిటికల్ జేఏసీ ఆధ్వర్యంలో మన విశాఖ – మన రాజధాని అనే నినాదంతో భారీ బహిరంగ సభ తలపెట్టింది. ఉత్తరాంధ్ర అభివృద్ధే లక్ష్యమంటూ జేఏసీ విశాఖ గర్జనకు వైసీపీ సంపూర్ణ మద్దతు తెలిపింది. టీడీపీ కూడా విశాఖలో సేవ్ ఉత్తరాంధ్ర సదస్సు తలపెట్టింది. మూడేళ్లలో వైసీపీ ప్రభుత్వ వైఫల్యాలపై చర్చించనుంది. విశాఖలో జనసేన అధినేత పవన్ కళ్యాణ్ పర్యటిస్తున్నారు. మూడు రోజుల పాటు ఆయన ఉత్తరాంధ్ర నేతలతో చర్చలు జరపనున్నారు. ఇలా మూడు పార్టీల పోటాపోటీ సభలతో వైజాగ్ హాట్ సెంటర్ గా మారింది.
