ராமநாதபுரம்: 21 மாநகராட்சிகள், 138 நகராட்சிகள், 489 பேரூராட்சிகள் என மொத்தம் 649 நகர்ப்புற உள்ளாட்சி அமைப்புகளுக்கு ஒரே கட்டமாக கடந்த 19 ஆம் தேதி தேர்தல் நடைபெற்றது. இன்று பலத்த போலீஸ் பாதுகாப்புடன் தேர்தலில் பதிவான வாக்குகள் எண்ணும் பணி இன்று காலை 8 மணி முதல் தொடங்கி நடைபெற்று வருகிறது. உள்ளாட்சி தேர்தல் என்றாலே பல சுவாரசியமான விஷயங்கள் நடைபெறுவது வழக்கம். அந்த வரிசையில், இந்தத்தேர்தலில் ராமநாதபுரம் கமுதி பேரூராட்சியை சுயேச்சை வேட்பாளர்கள் கைப்பற்றி உள்ளனர்.
ராமநாதபுரம் கமுதி பேரூராட்சியில் மொத்தம் 15 வார்டுகள் உள்ளன. அதில் 14 இடங்களில் சுயேச்சைவேட்பாளர்கள் போட்டியின்றி தேர்வாகியுள்ளனர். ஒரே ஒரு வார்டில் பாஜக போட்டியின்றி (14 வது வார்டில்) தேர்வாகியுள்ளது. அனைத்து வார்டிலும் சுயேச்சை வேட்பாளர்கள் தேர்வாகி உள்ளதால், அனைவரின் கவனத்தை தன் பக்கம் கமுதி பேரூராட்சி திருப்பியுள்ளது.
மேலும் படிக்க: Tamil Nadu Urban Election Results 2022 LIVE: பெரும்பான்மையான இடங்களில் திமுக முன்னிலை
அதேபோல தேர்தலில் போட்டியிட மனுதாக்கல் பலர் செய்திருந்தாலும், கடைசி நேரத்தில் மனுக்கள் வாபஸ் பெற்றதால், 11 வார்டுகளை சேர்ந்த உறுப்பினர்கள் போட்டியின்றி தேர்ந்தெடுக்கப்பட்டனர். இதனால் 4 வார்டுகளுக்கு மட்டும் தேர்தல் நடைபெற்றது. அதிலும் சுயேச்சை வேட்பாளர்கள் வெற்றி பெற்றுள்ளனர்.
1, 4, 5, 7, 8, 10, 11,12, 13, 14, 15 ஆகிய வார்டுகளை சேர்ந்த உறுப்பினர்கள் போட்டியின்றி தேர்ந்தெடுக்கப்பட்டனர். அதில் 14 வது வார்டில் பாஜக சேர்ந்த பெண் வேட்பாளர் சத்யா போட்டியின்றி தேர்ந்தெடுக்கப்பட்டு உள்ளனர். 2, 3, 6, 9 ஆகிய வார்டுகளுக்கு மட்டும் தேர்தல் நடைபெற்றது. இங்கேயும் சுயேச்சைகள் வெற்றி பெற்றனர்.
#ElectionResults | ராமநாதபுரம் கமுதி பேரூராட்சி#ElectionResultWithZeeTamilNews | #ZeeTamilNews | #TNElection2022 | #LocalBodyElections2022 | #TNLocalBodyElectionResults | #Kamudi pic.twitter.com/9YFA7b4jRF
— Zee Tamil News (@ZeeTamilNews) February 22, 2022
ராமநாதபுரம் கமுதி பேரூராட்சி:
திமுக போட்டியிடவில்லை
அதிமுக ஒரு வார்டில் போட்டியிட்டது
பாஜக நான்கு வார்டுகளில் போட்டியிட்டது.
மேலும் படிக்க: 7th Pay Commission சூப்பர் செய்தி: 34% டிஏ பற்றிய முக்கிய அப்டேட்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
