‘விரைவில் குணமடைந்து வா நண்பா’ – விஜயகாந்துக்கு ராதாரவி செய்தி!!

சென்னை:  தே.மு.தி.க கட்சித் தலைவரும், தமிழ் திரையுலகின் பிரபல நடிகருமான ஏ.விஜயகாந்த் (A Vijayakanth) கொரோனா தொற்றால் பாதிக்கப்பட்டுள்ளார் என வட்டாரங்கள் தெரிவிக்கின்றன. அவரது உடல்நிலை சீராக உள்ளது என்று அவர் அனுமதிக்கப்பட்ட ஒரு தனியார் மருத்துவமனை தெரிவித்துள்ளது.

விஜயகாந்தின் நண்பர்களும் சகாக்களும், அவர் விரைவாக குணமடைய வேண்டும் என சமூக ஊடகங்களில் அவருக்கு வாழ்த்து தெரிவித்து வருகின்றனர். சரத்குமாரைத் தொடர்ந்து நடிகர் ராதரவி (Radharavi) விஜயகாந்த் விரைவாக குணமடைய வாழ்த்தியுள்ளார்.

கேப்டன் விரைவாக குணமடைய விரும்பி ராதரவி சமூக ஊடகங்களில் ஒரு அறிக்கையை வெளியிட்டார். அந்த அறிக்கையில், ‘எனது நீண்டகால நண்பரான DMDK தலைவர் விஜயகாந்த் COVID-19 க்கு சாதகமாக சோதனை செய்ததைக் கேட்டு நான் அதிர்ச்சியடைந்தேன். அவர் விரைவில் குணமடைந்து திரும்பி வர பிரார்த்திக்கிறேன். COVID -19 ல் இருந்து மீண்டு அவர் விரைவில் வீடு திரும்புவார். பொதுமக்களிடம் எனக்கு ஒரு கோரிக்கை உள்ளது. நாம் இன்னும் தொற்றுநோயை வெல்லவில்லை. ஆகவே, தயவுசெய்து பொறுப்பாக இருங்கள். முகக்கவசத்தை அணிந்து சமூக தூரத்தைப் பின்பற்றுங்கள். உங்கள் கைகளை அடிக்கடி கழுவ வேண்டும். COVID-19 –திலிருந்து நாம் நம்மைப் பாதுகாத்துக் கொள்ள வேண்டியிருக்கும்.’ என்று அவர் கூறியுள்ளார்.

ALSO READ: DMDK தலைவர் விஜயகாந்திற்கு COVID-19; சிகிச்சைக்காக மருத்துவமனையில் அனுமதி

22.9.2020 அன்று விஜயகாந்தின் COVID-19 சோதனை முடிவுகள் நேர்மறையாக வந்ததாக MIOT இன்டர்நேஷனல் மருத்துவமனை வெளியிட்டுள்ள அறிக்கையில் தெரிவித்துள்ளது.

"அவர் முற்றிலும் நலமாக இருக்கிறார். சென்னை MIOT மருத்துவமனையில் அவர் சேர்க்கப்பட்டுள்ளார். அவர் விரைவில் முழுமையாக குணமடைவார் என்று எதிர்பார்க்கிறோம். விரைவில் அவர் குணமடைந்து வீடு திரும்புவார் என நம்பிக்கை உள்ளது” என்று மருத்துவமனை நிர்வாக இயக்குனர் பிருத்வி மோகன்தாஸ் தெரிவித்தார்.

தமிழ்நாட்டில் ஆளும் அதிமுக தலைமையிலான கூட்டணியின் ஒரு பகுதியாக விஜயகாந்தின் தே.மு.தி.க (DMDK) கட்சியும் உள்ளது.

தொடர்ந்து பல அரசியல் பிரபலங்கள் கொரோனா தொற்றுக்கு ஆளாகி வருவதைப் பார்த்து வருகிறோம். திமுக, அதிமுக, காங்கிரஸ் என கட்சி பாகுபாடின்றி கொரோனா அனைவரையும் தன் பிடியில் சிக்க வைத்துக் கொண்டிருக்கின்றது. 

ALSO READ: COVID -19 update: புதிய பாதிப்புகள் 86,508; மொத்த எண்ணிக்கை 57 லட்சம்

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR