திருமணம் என்பதை ஆயிரம் காலத்து பயிர் என்பார்கள். இன்னும் சில நாட்களில் புத்தாண்டு பிறக்கப்பாேகிறது. இந்த ஆண்டு பலருக்கு திருமணம் நிகழ்ந்திருக்கலாம். சிலருக்கு திரமணம் 2023ஆம் ஆண்டின் இறுதியில் கைகூடி வந்திருக்கலாம். ஒவ்வொரு ஆண்டும், ஒரு புதிய அத்தியாயத்தின் தொடக்கத்தை போன்றது. அந்த வகையில், அடுத்த ஆண்டு ஒரு சில ராசியினருக்கு திருமண யோகம் கைகூடி வருகிறது. இதில், ஒரு சில ராசியை சேர்ந்தவர்கள் ஏற்கனவே தங்களுக்கான திருமண வேலையை பார்க்க தொடங்கி விட்டனர். ஒரு சிலருக்கு, காதல் வாழ்க்கையும் திருமண யோகமும் எதிர்பாராத வகையில் கைக்கு வந்து சேர உள்ளது. அவர்கள் எந்தெந்த ராசியை சேர்ந்தவர்கள் தெரியுமா? இங்கு பார்க்கலாம் வாங்க.
மேஷம்:
தைரியமும் தன்னம்பிக்கையும் நிறைந்த மேஷ ராசிக்காரர்களுக்கு, அடுத்த வருடம் பல அதிர்ஷ்டங்கள் அடிக்க காத்திருக்கின்றன். இவர்களுக்கு இயற்கையாகவே தன்னம்பிகை, தலைமை பண்பு என அனைத்தும் ஒருங்கே அமைந்திருக்கும். எதை செய்தாலும் பயம் இல்லாமல் செய்யும் இவர்கள், அடுத்த ஆண்டில் ஒரு பெரிய உறவில் இணைய உள்ளனர். இவர்களுக்கு திருமண யோகத்திற்கான நட்சத்திரங்களும், கிரக பலன்களும் ஒருங்கே அமைந்து வருகின்றன. மேஷ ராசியை சேர்ந்தவர்களுக்கு, குறிப்பாக பெண்களுக்கு 2024ஆம் ஆண்டில் திருமண யோகம் நடைபெற வாய்ப்பிருக்கிறது.
கடக ராசி:
12 ராசிகளில் உலகையே ஆளும் திறன் கொண்ட ராசிகளுள் கடக ராசியும் ஒன்று. இவர்களை எந்த ஒரு பெட்டிக்குள்ளும் அடக்கி வைக்க இயலாது. தன் மீது அன்பு வைத்திருப்பவர்களையும், தான் அன்பாக பார்த்துக்கொள்பவர்கள் மீது அதிக பாதுகாப்பு உணர்வோடு இருப்பர். இவர்கள் எப்போதும் யாருக்காகவும் தனது இயல்பை மாற்றிக்கொள்ளாமல் இருப்பர். இது, இவர்களின் வாழ்வில் பலவகையான வெற்றிகளை தேடிக்கொடுக்கும். அடுத்த வருடம், தனிப்பட்ட வாழ்க்கையில் மட்டுமன்றி, தொழில் ரீதியாகவும் இவர்களுக்கு பல வகையில் முன்னேற்றங்கள் ஏற்பட உள்ளது. அடுத்த வருடம் எதிர்பாராத வகையில் இவர்களின் வாழ்வில் நுழையும் நபர் ஒருவர், பெரிய உறவுக்கு வழிக்காட்டியாக இருப்பார்.
மேலும் படிக்க | அதிர்ஷ்ட ராசி பலன்: 2024ல் மிகவும் அதிர்ஷ்டமான ராசி எது தெரியுமா?
துலாம்:
துலாம் ராசியை சேர்ந்தவர்களை காரணமே இன்றி அனைவருக்கும் பிடிக்கும். அமைதி விரும்பிகளான இவர்களுக்கு நல்ல பேச்சுத்திறமை உண்டு. தனக்கு பிடித்தார் போல நடந்து கொள்ளும் இவர்களை பலர் ரசித்து கொண்டிருப்பர். அடுத்த ஆண்டு இவர்களின் வாழ்வில் நுழையும் முக்கியமான நபரால், இவர்கள் திருமண பந்தத்திற்குள் நுழைய வாய்ப்புண்டு. அடுத்த வருடம் இவர்களுக்கு நல்ல மாற்றங்களை உருவாக்கி கொடுக்கும்.
விருச்சிகம்:
விருச்சிக ராசியை சேர்ந்தவர்கள் மர்மம் நிறைந்தவர்களாக இருப்பர். இவர்கள், அதிகம் யோசிக்க கூடியவர்களாகவும் மற்றவர்களில் இருந்து மிகவும் வேறுபட்டவர்களாகவும் இருப்பர். இவர்களால், பிறரை எளிதில் கணித்து விட முடியும். தான் விரும்பும் விஷயங்களை தன் வசம் செய்து கொள்ளவும், விரும்பத்தகாத விஷயங்களிடமிருந்து விலகியிருக்கவும் இவர்களுக்கு நன்றாகவே தெரியும். விருச்சிக ராசியை சேர்ந்தவர்களுக்கு வரும் 2024ஆம் ஆண்டு பல அற்புத ஆச்சரியங்களை கையில் வைத்துள்ளது. அடுத்த வருடம் இவர்களின் வாழ்வில் சுப நிகழ்வுகள் நடக்கவும் பல வாய்ப்புகள் உள்ளன. தாங்கள் இத்தனை ஆண்டுகளாக காத்துக்கிடந்த காதலை இவர்கள் வரும் வருடத்தில் சந்திக்க உள்ளனர்.
மீனம்:
சூழ்நிலையை தனக்கு ஏற்றார் போல சாதகமாக மாற்றிக்கொள்ளும் திறமை உடையவர்கள் மீன ராசிக்காரர்கள். பிறரையும், அவர்களின் நிலையையும் அவர்கள் கூறாமலேயே புரிந்து கொள்வர். தனது அன்புக்குரியவர்களுக்காக எதை வேண்டுமானாலும் செய்யும் இவர்கள், இனி தனக்காக ஒருவர் என்ன செய்தாலும் அதையும் ஏற்றுக்கொள்ள வேண்டும். வரும் ஆண்டில் இவர்களின் காதல் வாழ்க்கை பெரிய திருப்பத்தை எடுக்க காத்திருக்கிறது. இதனால் சிலருக்கு திருமண நிச்சயதார்த்தம் நடைபெறலாம். சிலருக்கு காதல் வாழ்க்கையில் நல்ல மாற்றங்கள் உண்டாகலாம்.
மேலும் படிக்க | செவ்வாய்க்கிழமையில் கடன் வாங்கவே கூடாது! ஏன் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
