சில நாட்களுக்கு முன்பு வெளியான ‘ஆதிபுருஷ்’ படத்தில் இராமனாக நடித்திருந்தவர் பிரபாஸ். இந்திய அளவில் அதிகம் சம்பளம் வாங்கும் நடிகர்களின் லிஸ்டில் டாப் இடத்தில் உள்ளார். இவர் ஹீரோவாக நடித்துள்ள சலார் படத்தை, ‘கே.ஜி.எஃப்’ பட இயக்குநர் பிரசாந்த் நீல் இயக்கியிருக்கிறார். இப்படத்தில் நடிக்க அவர் வாங்கிய சம்பளம் எவ்வளவு தெரியுமா?
பிரபாஸின் சம்பளம்..
பாகுபலி படத்தில் நடித்த பிரபாஸ், அந்த படம் உலகளவில் சூப்பர் ஹிட் அடித்ததை தொடர்ந்து தனது சம்பளத்தை பன்மடங்காக உயர்த்திவிட்டார். இவர் பாகுபலி படத்தை அடுத்து நடித்த அனைத்து படங்களுமே பெரிய பட்ஜட் படங்கள்தான். ஆனாலும், அந்த படங்கள் அனைத்தும் தோல்வியில் முடிந்தன. சில வாரங்களுக்கு முன்பு வெளியான ஆதி புருஷ் திரைப்படமும் சரியான விமர்சனத்தை பெறவில்லை. இந்த நிலையில் அடுத்து இவருக்கு ப்ளாக் பஸ்டர் ஹிட்டாக அமைந்துள்ள படம்தான் சலார்.
இவர், இப்படத்தில் நடிப்பதற்காக ரூ.100 கோடி வரை சம்பளம் வாங்கினாராம். படத்தின் மொத்த பட்ஜெட்டே ரூ.400 கோடிதான் என்றும், அதில் கால் பங்கு இவருக்கே சம்பளமாக கொடுக்கப்பட்டுள்ளதாகவும் கூறப்படுகிறது.
சலார் படம்..
சலார் படத்தை ஹோம்பாலே ஃபிலிம்ஸ் இன்டர்நேஷனல் நிறுவனம் தயாரித்துள்ளது. கே.ஜி.எஃப் பட பாணியிலேயே இந்த படமும் எடுக்கப்பட்டுள்ளது. இதிலும் ‘ராக்கி பாய்’ அளவிற்கு இந்த படத்திலும் பிரபாஸிற்கு பில்ட்-அப் கொடுக்கப்பட்டுள்ளது. இதில் பிருத்விராஜ் சுகுமாரன், ஸ்ருதி ஹாசன், உள்ளிட்ட பலர் நடித்திருக்கின்றனர்.
மேலும் படிக்க | 2023ம் ஆண்டில் அதிக வசூல் செய்த டாப் படங்கள்.. இதோ முழு லிஸ்ட்
ஸ்ருதி ஹாசனின் சம்பளம்..
கமல் ஹாசனின் மகள் ஸ்ருதி, தமிழில் சில முன்னணி நடிகர்களின் படங்களில் நடித்து வந்தார். பின்னர் கோலிவுட்டில் அவருக்கு வாய்ப்பு குறைந்ததை தொடர்ந்து பிற மொழி படங்களில் நடிக்க தொடங்கினார். தெலுங்கில் ஓரளவிற்கு அவரது படங்களுக்கு வரவேற்பு கிடைக்க தொடங்க, அங்கேயே தற்போது செட்டிலாகி விட்டார். இவர், சலார் படத்தில் நடிக்க ரூ.8 கோடி சம்பளமாக வாங்கியதாக கூறப்படுகிறது.
பிரித்விராஜ் சுகுமாரன்:
சலார் படத்தில் ஹீரோவுக்கு அடுத்த முக்கிய கதாப்பாத்திரமே வில்லன்தான். இதில் வில்லனாக பிரபல மலையாள நடிகர் பிரித்விராஜ் சுகுமாறன் நடிகிறார். இதில் இவரது பெயர் ஜகபதி பாபு. அரசர் வம்சாவழியை சேர்ந்த கதாப்பாத்திரமாக இவரது கேரக்டர் இருக்கலாம் என கூறப்படுகிறது. இவருக்கு 4 கோடி ரூபாய் சம்பளமாக வழங்கியிருக்கிறார்களாம். ஹீரோ 100 கோடி ரூபாய் சம்பளம் வாங்க, வில்லன் இவ்வளவு குறைவாக சம்பளம் வாங்குவது பலருக்கும் ஆச்சரியத்தை ஏற்படுத்தியுள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
