Latest News Actress Joins Thalapathy 69 Movie : சினிமாவிற்கு விரைவில் முழுக்கு போட இருக்கும் நடிகர் விஜய், தனது கடைசி படத்தில் நடித்து வருகிறார். இதில், புதிதாக இணைந்திருக்கும் நடிகை குறித்த தகவல் வைரலாகி வருகிறது.
தளபதி 69:
தமிழ் திரையுலகின் முன்னணி நடிகராக வலம் வந்து கொண்டிருப்பவர், நடிகர் விஜய். கிட்டத்தட்ட 30 வருடங்களுக்கும் மேலாக ஹீரோவாக நடித்து, தமிழ் ரசிகர்களின் மனங்களை கொள்ளை காெண்ட அவர், தான் அரசியலில் முழு நேரமாக இறங்கிய பிறகு திரையுலகில் இருந்து விலகப்போவதாக கடந்த பிப்ரவரி மாதம் அறிவித்தார். இது, அவரது ரசிகர்கள் மட்டுமன்றி, ஒட்டுமொத்த தமிழ் மக்கள் மத்தியில் அதிர்ச்சியை கிளப்பினாலும், இவரது அரசியல் வருகைக்கு வரவேற்பு கொடுத்தனர். இந்த சமயத்தில்தான் அவரது புதுப்படத்தின் அறிவிப்பு சமீபத்தில் வெளியானது.
விஜய்யின் கடைசி படமான ‘தளபதி 69’ படத்திற்கு இன்னும் டைட்டில் வைக்கப்படவில்லை. இந்த படத்தின் பூஜை சில நாட்களுக்கு முன்பு, சென்னையில் நடைப்பெற்றது. அதிலிருந்து முழு வீச்சில் படப்பிடிப்பும் நடைப்பெற்று வருகிறது.
ஹெச்.வினோத் இயக்கும் இந்த படத்தில், விஜய்க்கு ஜோடியாக பூஜா ஹெக்டே நடித்து வருகிறார். சென்னை கிண்டியில் உள்ள ராணுவ கேம்பிற்கு அருகில் இந்த படத்தின் படப்பிடிப்பு நடைப்பெற்று வருகிறது. இந்த படத்தை, கேவிஎன் ப்ரொடக்ஷன்ஸ் நிறுவனம் தயாரித்திருக்கிறது. இவர்கள் தயாரிக்கும் முதல் தமிழ் படம் இதுவாகும்.
மேலும் படிக்க | தளபதி 69 ரீ-மேக் படமா? அப்செட் ஆன விஜய் ரசிகர்கள்! எந்த படம் தெரியுமா?
புதிதாக இணைந்த நடிகை..
தளபதி 69 படத்தில், எதிர்பார்த்த சிலரும், எதிர்பார்க்காத சிலரும் நடித்து வருகின்றனர். அந்த வகையில், எதிர்பார்க்காத நடிகர்களின் லிஸ்டில் இணைந்திருக்கிறார், வரலக்ஷமி சரத்குமார். நடிகர் சரத்குமாரின் மகளான இவருக்கு, தற்போது 39 வயது ஆகிறது. இவர் முதன்முதலாக இன்ட்ரோ ஆன படம், போடா போடி. இந்த படத்திற்கு பிறகு கன்னடம், மலையாளம் மற்றும் தமிழ் படங்களில் நடிக்க ஆரம்பித்தார். தமிழில், ஹீரோயினாக சில படங்களில் மட்டுமே நடித்தாலும் கேரக்டருக்கு வலிமை கொடுக்கும் தாரை தப்பட்டை, சண்டக்கோழி 2, விக்ரம் வேதா உள்ளிட்ட படங்களில் நடித்தார். சமீபத்தில், இவர் ராயன் படத்தில் எஸ்.ஜே.சூர்யாவின் முதல் மனைவியாக சிறிய கதாப்பாத்திரத்தில் நடித்திருந்தார். ஆனால் இந்த கதாப்பாத்திரமும் மக்கள் மத்தியில் வரவேற்பை பெற்றது.
தற்போது, தளபதி 69 படத்தில், சர்கார் படத்திற்கு பிறகு விஜய்யுடன் இவர் சேர்ந்து நடிப்பதாக தகவல்கள் வெளியாகி இருக்கிறது. சர்கார் படத்தில் இவர் வில்லி கேரக்டரில் நடித்திருந்தார். இயல்பாகவே இவருக்கு வில்லி கதாப்பாத்திரங்கள் பொருந்தி போகின்றன. அதனால், இவர் தளபதி 69 படத்திலும் அதே போன்ற பாத்திரத்தில் நடிப்பார் என கூறப்படுகிறது.
படக்குழு:
தளபதி 69 படத்தில் விஜய்யுடன் இரண்டாம் முறையாக பூஜா ஹெக்டே ஜோடி சேர, இவர்களுடன் மமிதா பைஜு, பாபி டியோல், நரேன், பிரியாமணி, கெளதம் வாசுதேவ் மேனன் உள்ளிட்டோர் நடிக்கின்றனர். இதில், பாபி டியோல் விஜய்க்கு வில்லனாக நடிப்பதாக கூறப்படுகிறது. இப்படத்தின் பாடல் காட்சி ஒன்று தற்போது படமாக்கப்பட்டு வருவதாகவும், இந்த பாடல், படத்தின் டைட்டில் டீசராக இருக்கும் என்றும் கூறப்படுகிறது.
மேலும் படிக்க | தளபதி 69 : விஜய்யுடன் சேர்ந்து நடிக்க மறுத்த சத்யராஜ்!! காரணம் என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
