தமிழ் மலையாளம், இந்தி உள்பட 150 படங்களுக்கு மேல் இயக்கிய மலையாள இயக்குநர் மற்றும் நடிகை சீமாவின் கணவருமான ஐ.வி.சசி(69) உடல் நலக் குறைவால் இன்று சென்னையில் காலமானார்.
இவர் கேரள மாநிலத்தை சேர்ந்தவர். ‘கலியல்ல கல்யாணம்’ என்ற படத்தின் மூலம் இயக்குனரானார். இந்த படம் 1968-ம் ஆண்டு வெளியானது. அதன் பிறகு தமிழ் மலையாளம், இந்தி என பல படங்களை இயக்கியுள்ளார். மலையாள நடிகர் மம்முட்டியை அறிமுகப்படுத்தியவர் இவர்தான். மேலும் நடிகர் ரஜினி மற்றும் கமலஹாசனை வைத்து படங்களை இயக்கியுள்ளார்.
இவர் நடிகை சீமாவை திருமணம் செய்து கொண்டார். அனு, அனி என்ற இரு மகள்கள் உள்ளனர்.
இவர் பல விருதுகளை பெற்று உள்ளார். குறிப்பாக இவருக்கு 1982-ம் ஆண்டு தேசிய விருதும், 2013-ம் ஆண்டு வாழ்நாள் சாதனையாளர் விருதும் பெற்றார். மேலும் மாநில விருதும், ஃபிலிம் ஃபேர் விருது பெற்றுள்ளார் என்பது குறிப்பிடத்தக்கது.
இந்நிலையில் இவரது மறைவுக்கு நடிகர் கமல் ஹாசன் தனது டிவிட்டர் பக்கத்தில் இரங்கல் தெரிவித்து டிவிட் பதிவிட்டுள்ளார். அதில்,
நெடுங்கால நண்பரும் இணையிலா சினிமா தொழில் விற்பன்னருமான ஐ.வி.சசி காலமானார். என் சகோதரி சீமா சசிக்கும் குடும்பத்தாருக்கும் அன்பும் அனுதாபமும்
— Kamal Haasan (@ikamalhaasan) October 24, 2017
