மீண்டும் விஜய்யுடன் இணைவதை உறுதிப்படுத்திய யுவன் ஷங்கர் ராஜா!

ஒரு படத்திற்கு திரைக்கதையுடன் சேர்த்து கூடுதல் வலு சேர்ப்பது இசை தான், அப்படிபட்ட இசையமைப்பாளர்களுக்கென்றே எக்கச்சக்கமான ரசிகர்கள் உள்ளனர்.  அவர்களின் வரிசையில் பலராலும் விரும்பப்படும் ஒருவர் யுவன் ஷங்கர் ராஜா, இவரது பாடல்களுக்கு பலரும் அடிமை.  தமிழ் சினிமாவில் இவர் பயணித்து இருபத்தி ஐந்து வருடங்கள் ஆகிவிட்டது.  இவர் தற்போது நடிகர் விஜய் படத்திற்கு மீண்டும் இசையமைக்கப்போவதாக அவரே கூறியுள்ளார்.

மேலும் படிக்க | 20 ஆண்டுகளுக்குப் பிறகு அஜித்துடன் இணையும் பிரபல நடிகர்.!

ஏற்கனவே விஜய் நடிப்பில் 2003ம் ஆண்டு வெளியான புதிய கீதை படத்திற்கு யுவன் ஷங்கர் ராஜா இசையமைத்து இருந்தார்.  அதன் பின்னர் விஜய் நடித்த படங்கள் எதற்கும் யுவன் இசையமைக்கவில்லை, தற்போது பல வருடங்களுக்கு பிறகு இவர் விஜய்யுடன் இணைந்து பணியாற்ற இருக்கிறார்.  சில மாதங்களுக்கு முன்னர் சமூக வலைத்தளங்களில் விஜய் மற்றும் யுவன் இருவரும் ஒன்றாக எடுத்துக்கொண்ட புகைப்படங்கள் வைரலாகின, இந்த புகைப்படத்தை பார்த்த பின்னர் பலரும் விஜய் படத்தில் யுவன் இசையமைக்கப்போகிறார் என்று யூகித்தனர்.

தற்போது இந்த செய்தியை யுவனே உறுதிப்படுத்தி இருக்கிறார், ஒரு விருதுகள் வழங்கும் விழாவில் கலந்துகொண்ட இவர் விரைவில் நடிகர் விஜயுடன் இணைந்து பணியாற்ற போகிறேன் என்று தெரிவித்துள்ளார்.  விஜய்யுடன், யுவன் ஷங்கர் ராஜா இணையும் செய்தியை கேட்ட ரசிகர்கள் அனைவரும் உற்சாக வெள்ளத்தில் மிதந்து வருகின்றனர்.  விஜய்யின் 'மாஸ்டர்' படத்தில் அனிருத் இசையில் யுவன் ஷங்கர் 'அந்த கண்ண பாத்தாக்க' எனும் பாடலை பாடியிருந்தார்.  தற்போது தளபதி 66 படத்திற்கு தமன் இசையமைக்கிறார், அடுத்ததாக தளபதி 67 படத்தில் அனிருத் ஒப்பந்தமாகியிருப்பதாக கூறப்பட்டுள்ளது.  இந்நிலையில், யுவன் விஜயின் எந்த படத்தில், எப்போது பணியாற்ற போகிறார் என்பதை பொறுத்திருந்து தான் பார்க்க வேண்டும்.

மேலும் படிக்க | ஏகே62 அரசியல் படமா? உண்மை பின்னணி என்ன?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR