தேசிய தலைநகரின் வடகிழக்கு மாவட்டத்தில் வன்முறையைக் கட்டுப்படுத்துவதில் திறன் இல்லாததால் டெல்லி காவல்துறையை உச்ச நீதிமன்றம் புதன்கிழமை கண்டித்தது.
"இங்கிலாந்தில் போல காவல்துறையினர் நடவடிக்கை எடுக்க வேண்டும். நிலைமை கைமீறி செல்லும் அளவுக்கு ஏன் விட்டுவிட்டீர்கள் என்று மத்திய அரசையும் உச்ச நீதிமன்றம் கேட்டுள்ளது. இங்கிலாந்தில் போல காவல்துறையினர் நடவடிக்கை எடுக்க வேண்டும். தொழில் திறன் பற்றாக்குறை மற்றும் காவல்துறையின் சுதந்திரம் ஆகியவையே இதற்கான பிரச்சினை. யாரோ ஒருவர் சட்டப்படி செயல்பட அனுமதிக்க காவல்துறை ஏன் காத்திருக்கிறது? ” என்று நீதிபதி ஜோசப் கேட்டார்.
டெல்லி வன்முறைச் சம்பவம் தொடர்பாக உச்ச நீதிமன்றத்தில் முன் வைக்கப்பட்ட மனுவை விசாரித்த உச்ச நீதிமன்றம், இந்தியாவின் தலைநகரான புது டெல்லியில் இதுபோன்ற வன்முறை நடப்பது மிகவும் துரதிருஷ்டவசமானது என்றும், காவல்துறையினர் சரியாக செயல்பட்டிருந்தால் நிச்சயம் இதுபோன்ற மிக மோசமான வன்முறையைத் தவிர்த்திருக்கலாம் என்றும் உச்ச நீதிமன்ற நீதிபதிகள் கருத்துக் கூறியுள்ளனர்.
டெல்லியில் நிலைமை இந்த அளவுக்கு கைமீறிச் செல்லக் காரணம் என்ன? உங்களிடம் தான் அனைத்து அதிகாரங்களும் உள்ளன. காவல்துறை உள்ளது. காவல்துறையினர் மிகச் சரியாக திட்டமிட்டு செயல்பட்டிருந்தால் இந்த நிலைமையைத் தவிர்த்திருக்கலாமே? என்று கேள்வி எழுப்பிய நீதிபதிகள், காவல்துறையின் மெத்தனப்போக்கே இந்த வன்முறைக்குக் காரணம் என்றும் கூறியுள்ளனர். மேலும், டெல்லி வன்முறைச் சம்பவம் குறித்த மனுவை ஏற்றுக் கொள்ள மறுத்துள்ள உச்ச நீதிமன்றம், உயர் நீதிமன்றத்தில் முறையிடுமாறு அறிவுறுத்தியது.
