Live Blog
KomatiReddy Rajgopal Reddy: కాంగ్రెస్ పార్టీకి రాజీనామా చేసిన మునుగోడు ఎమ్మెల్యే కోమటిరెడ్డి రాజగోపాల్ రెడ్డి.. తాను చెప్పినట్లుగానే ఎమ్మెల్యే పదవికి రాజీనామా చేశారు. అసెంబ్లీలో స్పీకర్ పోచారం శ్రీనివాస్ రెడ్డిని కలిసి రాజీనామా లేఖను సమర్పించారు.వెంటనే తన రాజీనామాను ఆమోదించాలని కోరారు. రాజగోపాల్ రెడ్డి రాజీనామా సమర్పించిన కొన్ని నిమిషాల్లోనే ఆమోదించారు స్పీకర్ పోచారం. కాంగ్రెస్ పార్టీ ప్రాథమిక సభ్యత్వానికి, పార్టీ పదవులకు ఆయన ఇప్పటికే రాజీనామా చేశారు. ఈనెల 21న కేంద్రమంత్రి అమిత్ షా సమక్షంలో బీజేపీలో చేరనున్నారు కోమటిరెడ్డి రాజగోపాల్ రెడ్డి.
