MUNUGODU BYELECTION: సీనియర్ నేత కోమటిరెడ్డి రాజగోపాల్ రెడ్డి రాజీనామాతో తెలంగాణ రాజకీయాలు హీటెక్కాయి. ఎమ్మెల్యే పదవికి రాజీనామాతో మునుగోడుకు త్వరలో ఉపఎన్నిక రాబోతోంది. దీంతో ప్రధాన పార్టీలన్ని మునుగోడుపై ఫోకస్ చేశాయి. దుబ్బాక,హుజురాబాద్ ఉపఎన్నికల ఫలితమే మునుగోడులో రిపీట్ అవుతుందని బీజేపీ చెబుతోంది. నల్గొండలో బీజేపీకి అంత సీన్ లేదని... హుజూర్ నగర్, నాగార్జున సాగర్ ఉప ఎన్నికల్లో ఆ పార్టీకి డిపాజిట్ గల్లంతైందని... మునుగోడులోనూ అదే ఫలితం వస్తుందన్నారు. కాంగ్రెస్ కంచుకోట మునుగోడులో తమ గెలుపును ఎవరూ ఆపలేరని పీసీసీ పెద్దలు ధీమా వ్యక్తం చేస్తున్నారు. పార్టీల పోటాపోటీ వ్యూహాలతో మునుగోడు నియోజకవర్గంతో పాటు తెలంగాణ రాజకీయాల్లో ట్విస్ట్ లు నెలకొంటున్నాయి. కోమటిరెడ్డి రాజగోపాల్ రెడ్డి రాజీనామా, మునుగోడు ఉప ఎన్నికకు సంబంధించి అప్ డేట్స్ మినిట్ టు మినిట్..
