Puri Jagannadh: వాళ్లు అమాయకులుగా కన్పించే క్రిమినల్స్.. షాకింగ్ కామెంట్స్ చేసిన పూరీ జగన్నాథ్.. స్టోరీ ఏంటంటే..?
180794 Kohli Comments On Rohit Sharma: ఐసీసీ టీ20 ప్రపంచకప్లో (ICC T20 World Cup 2021) పాకిస్తాన్తో జరిగిన మ్యాచ్లో (India Vs Pakisthan) టీమ్ఇండియా ఓటమి పాలైంది. ఈ మ్యాచ్లో ఓపెనర్లు రోహిత్ శర్మ, కేఎల్ రాహుల్ భారీ స్కోరు నమోదు చేయడంలో విఫలమయ్యారు. అతి తక్కువ స్కోరుకే రెండు వికెట్లు కోల్పోవడం పట్ల ఇండియా ఫ్యాన్స్ అసంతృప్తి వ్యక్తం చేస్తున్నారు. ఈ నేపథ్యంలో మ్యాచ్ అనంతరం జరిగిన ఇంటర్వ్యూలో రోహిత్ శర్మ వైఫల్యంపై ఓ విలేకరి ఆసక్తికర ప్రశ్న వేశాడు. న్యూజిలాండ్తో ఆడనున్న తర్వాతి మ్యాచ్లో రోహిత్ శర్మను తుదిజట్టులోకి ఎంచుకుంటారా? అని ప్రశ్నించగా.. అందుకు బదులుగా భారత కెప్టెన్ విరాట్ కోహ్లీ (Kohli On Rohit Sharma) ధీటుగా బదులిచ్చాడు.
"పాకిస్థాన్తో జరిగిన మ్యాచ్లో టీమ్ఇండియా తుదిజట్టు ఎంపికపై చాలా మంది చర్చించుకుంటున్నారు. వార్మప్‌ మ్యాచ్లో బాగా ఆడిన ఇషాన్‌ కిషన్‌ను కాకుండా రోహిత్ శర్మను తీసుకోవడంపై చింతిస్తున్నారా? రోహిత్ కన్నా ఇషాన్‌ బాగా ఆడేవాడు అని అనుకుంటున్నారా?" అని ఓ మీడియా ప్రతినిధి అడిగిన ప్రశ్నకు కోహ్లీ సమాధానమిచ్చాడు.
కోహ్లీ: మీరు.. అంతర్జాతీయ టీ20ల నుంచి రోహిత్‌ను తొలగిస్తారా? మీరు అలా చేయగలరా? మేం ఆడిన గత మ్యాచ్లో రోహిత్ శర్మ ఎలా ఆడాడో మీకు తెలుసా? ఇదేం ప్రశ్న. మీ నుంచి ఈ ప్రశ్నను అసలు ఊహించలేదు. మీకేమైనా వివాదాస్పద వ్యాఖ్యలు కావాలంటే ముందే చెప్పండి.. అందుకు తగ్గట్టే సమాధానం ఇస్తా.
బాబర్ పేరిట సరికొత్త రికార్డు
దాయాదులపోరులో పాకిస్తాన్ సాధించిన విజయంతో టీమ్ ఇండియా రికార్డు బ్రేక్ అయింది. టీమ్ ఇండియా వర్సెస్ టీమ్ పాకిస్తాన్ మధ్య జరిగిన టీ20 ప్రపంచకప్ మ్యాచ్లో పాకిస్తాన్ (Pakistan Cricket Team) చరిత్ర తిరగరాసింది. టీ20 ప్రపంచకప్ చరిత్రలో ఇండియాపై తొలి విజయాన్ని నమోదు చేసింది.
మరోవైపు దుబాయ్ స్టేడియంలో పాకిస్తాన్ కెప్టెన్ బాబర్ ఆజమ్ పేరున ఉన్న రికార్డు (India Vs Pakistan Match Record) కొనసాగింది. దుబాయ్ స్డేడియంలో బాబర్ ఆజమ్ కెప్టెన్‌గా 11 మ్యాచ్‌లలో విజయం సాధించి ఒక్క మ్యాచ్ కూడా ఓడిపోలేదు. ఇప్పుడా రికార్డు కొనసాగినట్టైంది. పాకిస్తాన్ ఓపెనర్లు సరికొత్త రికార్డు సాధించారు.
టీ20 వరల్డ్‌కప్‌ చరిత్రలో ఇండియా, పాకిస్తాన్ జట్లు ఇప్పటి వరకు ఐదుసార్లు తలపడగా.. ప్రతిసారి ఇండియానే విజయం సాధించింది. ఇప్పుడా రికార్డు బ్రేక్ అయింది. మరోవైపు టీమ్ ఇండియా బౌలర్లకు ఏ మాత్రం అవకాశమివ్వకుండా పాకిస్తాన్ ఓపెనర్లు బాబర్ అజామ్ (Babar Azam Against India), మొహమ్మద్ రిజ్వాన్‌లు అద్భుతమైన బ్యాటింగ్తో పాక్కు విజయాన్ని తెచ్చిపెట్టారు.
152 పరుగుల లక్ష్యంతో బరిలో దిగిన పాకిస్తాన్.. వికెట్లు నష్టపోకుండా 17.5 ఓవర్లలోనే లక్ష్యాన్ని ఛేధించగలిగింది. ఓపెనర్లు బాబర్ ఆజమ్ 52 బంతులు ఎదుర్కొని 6 ఫోర్లు, 2 సిక్సర్లతో 68 పరుగులు చేయగా.. మొహమ్మద్ రిజ్వాన్ (Mohammad Rizwan Against India) 55 బంతుల్లో 6 ఫోర్లు, 3 సిక్సర్లతో 79 పరుగులు చేశాడు. వికెట్ కోల్పోకుండా పాకిస్తాన్ జట్టు నమోదు చేసిన అత్యధిక పరుగుల భాగస్వామ్యం ఇదే కావడం విశేషం. మరోవైపు టీ20 ప్రపంచకప్‌లలో వికెట్ నష్టపోకుండా అత్యధిక పరుగుల లక్ష్యాన్ని చేధించడం కూడా ఇదే.
ఇక ఈ మ్యాచ్‌తో టీమ్ ఇండియా మరో రికార్డు బ్రేక్ అయింది. ఇప్పటి వరకూ వన్డే ప్రపంచకప్, టీ20 ప్రపంచకప్ కలిపి టీమ్ ఇండియా.. పాకిస్తాన్‌పై 12-0 ఆధిక్యంతో ఉంది. ఈ మ్యాచ్ విజయంతో (India Vs Pakisthan Match Result) పాకిస్తాన్ ఆ రికార్డును బ్రేక్ చేసింది. 12-1తో నిలిచింది.
Also Read: India Vs Pakistan: 'ఇది కదరా.. అసలైన హుందాతనం'.. ధోని, విరాట్ వీడియో వైరల్
Also Read: India vs Pakistan Match: టీమ్ ఇండియా రికార్డు బ్రేక్ చేసిన పాకిస్తాన్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
Kohli Comments On Rohit Sharma: రోహిత్ శర్మను టీ20 ఫార్మాట్ నుంచి తొలగించాలా?
