ICC T 20 World Cup India vs South Africa Live: సుదీర్ఘ నిరీక్షణ తర్వాత వచ్చిన టీ 20 ప్రపంచకప్‌ను భారత్ చేజిక్కించుకుంటుందా.. 17 ఏళ్ల కల తీర్చుకుంటుందా అనే దానికి సమయం ఆసన్నమైంది. అజేయంగా గ్రూప్‌, సూపర్‌ 8 మ్యాచ్‌లను ముగించి ఫైనల్ చేరిన టీమిండియా పొట్టి కప్‌నకు ఒక్కడుగు దూరంలో ఉంది. మొదటిసారి ఫైనల్‌లోకి అడుగుపెట్టిన దక్షిణాఫ్రికా కప్‌తోనే వెళ్తామని భారత్‌కు సవాల్‌ విసురుతోంది. మరి విజయం ఎవరిదనేది ఉత్కంఠ నెలకొంది. గణాంకాల పరంగా భారత్‌దే పైచేయి కనిపిస్తున్నా.. టీ20 మ్యాచ్‌ల్లో ఏమైనా జరగవచ్చనే ఆందోళన భారత అభిమానులను కలవర పెడుతోంది.
భారత జట్టు
రోహిత్ శర్మ (కెప్టెన్), విరాట్ కోహ్లి, హార్దిక్ పాండ్యా, రవీంద్ర జడేజా, జస్ప్రీత్ బూమ్రా, అక్షర్ పటేల్, కుల్దీప్ యాదవ్, అర్షదీప్ సింగ్, రిషభ్ పంత్, సూర్యకుమార్ యాదవ్, శివమ్ దూబే
దక్షిణాఫ్రికా జట్టు
క్వింటన్ డి కాక్, రేజా హెండ్రిక్స్, ఎయిడెన్ మార్క్రమ్, హెన్రిచ్ క్లాసెన్, డేవిడ్ మిల్లర్, స్టబ్స్, మార్కో జాన్సెన్, కేశవ్ మహారాజ్, రబడ, నోర్త్జే, తబ్రేజ్ షమ్సి
టాస్‌ నెగ్గిన భారత్
బార్బడోస్ వేదికగా జరుగుతున్న ఐసీసీ టీ20 ప్రపంచకప్ 2024 ఫైనల్ మ్యాచ్‌లో టాస్‌ నెగ్గిన భారత్ బ్యాటింగ్‌ను ఎంచుకుంది. కెప్టెన్ రోహిత్ శర్మ బ్యాటింగ్‌కు వెళ్తామని చెప్పారు. జట్టులో ఎలాంటి మార్పులు లేకుండా తుదిపోరుకు దిగింది. అజేయ విజయంతో దూసుకెళ్తున్న భారత్ దూకుడు మీద ఉండగా.. తాము కూడా తగ్గేది లేదని సఫారీ జట్టు చెప్పింది.
