Masked Aadhaar Card: ఆధార్ ప్రతి ఒక్కదానికీ ఆధారమైపోయింది. ఆధార్ కలిగి ఉండటం ఇప్పుడు అనివార్యమైపోయింది. అందుకే ఆధార్ కార్డుకు మరింత భద్రత చేకూరబోతోంది. ఆ కొత్త భద్రత ఎలా ఉంటుంది. ఆ ఆధార్ కార్డు ఎలా డౌన్‌లోడ్ చేసుకోవాలి.
దేశంలో ఇప్పుడు ఆధార్ కార్డు(Aadhaar Card) తప్పనిసరిగా మారింది. చిన్నారి నుంచి వృద్ధుడి వరకూ అన్నీ ఆధార్ కార్డుతోనే లింకప్ అవుతున్నాయి. ఇప్పుడు కరోనా వ్యాక్సినేషన్‌కు కూడా అదే ఆధారం. ఈ నేపధ్యంలో యూఐడీఏఐ పలు రకాల ఆధార్ సేవల్ని అందుబాటులో తెస్తోంది. ఇప్పుడు కొత్తగా మాస్క్ అనే కొత్త ఫీచర్ ప్రవేశపెట్టింది. అంటే మీ ఆధార్ కార్డుకు కూడా మాస్క్ ఉంటుందన్నమాట. ఈ కొత్త ఫీచర్ మీ ఆధార్ కార్డుకు మరింత భద్రత చేకూరుస్తోంది.
ఈ కొత్త మాస్క్ ఫీచర్‌తో(Mask Feature) కూడిన ఆధార్ కార్డులో మొదటి 8 అంకెల్ని ఎక్స్ ఎక్స్ ఎక్స్ అని కన్పిస్తుంది. అంటే మీ ఆధార్ కార్డులో చివరి 4 అంకెలు మాత్రమే కన్పిస్తాయి. ఈ ఫీచర్ వల్ల మీ ఆధార్ నెంబర్ ఇతరులు తెలుసుకోలేరని యూఐడీఏఐ (UIDAI) చెబుతోంది. మీ పేరు, డేట్ ఆఫ్ బర్త్, చిరునామా, క్యూఆర్ కోడ్ వివరాలు మాత్రమే పూర్తిగా కన్పిస్తాయి. ఈ కొత్త ఫీచర్‌తో కూడిన ఆధార్ కార్డు మరింత సురక్షితం కానుంది. ఈ మాస్క్ ఆధార్ కార్డును(Masked Aadhaar Card) ఎలా డౌన్‌లోడ్ చేసుకోవాలంటే..
ముందుగా UIDAI Website అయిన https://uidai.gov.in/ ఓపెన్ చేయాలి. అనంతరం My Aadhaar ఆప్షన్ ఎంచుకుని..డౌన్‌లోడ్ ఆధార్‌పై క్లిక్ చేయాలి. ఈ ఆధార్ కార్డును డౌన్‌లోడ్ ( How to download masked aadhaar card) చేసేందుకు ఆధార్ నెంబర్, ఎన్‌రోల్‌మెంట్ ఐడీ, వర్చువల్ అంటూ 3 ఆప్షన్లు ఉంటాయి. ఇందులో ఒక ఆప్షన్ ఎంచుకుని I want a masked Aadhaarపై క్లిక్ చేయాలి. ఇప్పుడు అక్కడ కన్పించే క్యాప్చ ఎంటర్ చేసి..సెండ్ ఓటీపీ ఎంచుకోండి. మీ రిజిస్టర్ మొబైల్ నెంబర్‌కు వచ్చే ఓటీపీ నమోదు చేసి..మాస్క్ ఆధార్ కార్డు డౌన్‌లోడ్ చేసుకోవచ్చు.
Also read: Mobile Number: మీ పేరున ఎన్ని మొబైల్ నెంబర్లున్నాయో..ఇలా తెలుసుకోండి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
