క్రిస్మస్ తాతయ్య 'శాంతాక్లాజ్' క్రీస్తు జయంతిని పురస్కరించుకొని అందరికీ కానుకలు, బహుమతులు పంచుతాడనే విషయం మనకు తెలిసిందే. అయితే మీకో విషయం తెలుసా.. ప్రతీ క్రిస్మస్ నాడు మైక్రోసాఫ్ట్ అధినేత బిల్ గేట్స్ కూడా సీక్రెట్ శాంతా అవతారమెత్తి.. కొందరికి బహుమతులు పంపుతాడట. ఇటీవలే జరిగిన క్రిస్మస్ వేడుకల సందర్భంగా ఓ రెడ్డిట్ యూజర్‌కు బిల్ గేట్స్ లెక్కేలేనన్ని బహుమతులు పంపాడట.
పిల్లుల పరిరక్షణకు సంబంధించిన ఓ సంస్థను నడిపే ఆ రెడ్డిట్ యూజర్ బిల్ గేట్స్ పంపిన ఈ బహుమతులు చూసి షాక్ అయ్యిందట. మూగజీవుల పట్ల గేట్స్‌కున్న అభిమానం మరోమారు చాటుకున్నాడని ఇప్పటికే నెటిజన్లు ఆయనను పొగడ్తలతో ముంచెత్తగా... వెట్టీ ఎల్‌ఎల్‌సీ అనే సంస్థను నడిపే ఆ రెడ్డిట్ యూజర్ గేట్స్ పంపించిన బహుమతులను యూట్యూబ్ ద్వారా అందరితోనూ పంచుకున్నారు.
