Ram Charan in Chiranjeevi's Acharya Set - In Pics | టాలీవుడ్ మెగాస్టార్ చిరంజీవి ప్రస్తుతం కొరటాల శివతో కలిసి ఆచార్య సినిమా చేస్తున్న తెలిసిందే. అయితే ఈ సినిమాకు మెగాస్టార్ తనయుడు రామ్ చరణ్ నిర్మాతగా వ్యవహరిస్తున్నారు. చిరు సరసన కాజల్ అగర్వాల్ హీరోయిన్‌గా నటిస్తోంది.
ప్రస్తుతం ఈ సినిమా షూటింగ్ వేగంగా జరుగుతోంది. ఎండాకాలంలో ఈ సినిమాను రిలీజ్ చేసేందుకు మూవీ మేకర్స్ సన్నాహాలు చేస్తున్నారు. అయితే ఈ చిత్రాన్ని కొణిదెల ప్రొడెక్షన్, మ్యాట్నీ ఎంటర్టైన్మెంట్స్ నిర్మిస్తుండగా.. మణిశర్మ సంగీతాన్ని అందిస్తున్నారు.
ఈ క్రమంలో నిర్మాత రామ్ చరణ్ ఆచార్య సెట్‌లో సందడి చేశారు. ఈ సందర్భంగా రామ్ చరణ్.. దర్శకుడు కొరటాల శివ, ఆర్ట్ డైరెక్టర్ సురేష్‌ సెల్వరాజన్‌తో ఆదివారం సరదాగా సంభాషించారు. అయితే ఆచార్య సినిమాలో రామ్ చరణ్ కూడా నటిస్తున్నట్లు గత కొన్నిరోజుల నుంచి టాక్ వినిపిస్తోంది.
సామాజిక అంశాలతో తెరకెక్కుతున్న ఆచార్య చిత్రంలో రామ్ చరణ్ నక్సలైట్ పాత్రలో కనిపించనున్నారని టాక్. అయితే ప్రస్తుతం రామ్ చరణ్ నిర్మాతగా.. అక్కడికి వెళ్లారా లేక ఆయన పాత్ర షూటింగ్‌కు వెళ్లారా అనేది తెలియాల్సి ఉంది.
ప్రస్తుతం ఆర్ట్ డైరెక్టర్ సురేష్‌ సెల్వరాజన్‌ ట్విట్టర్‌లో షేర్ చేసిన ఫొటోలు సోషల్ మీడియాలో వైర‌ల్‌గా మారాయి.
