Jamun Health Benefits: వేసవిలో విరివిగా లభించే నేరేడు పండ్లలో ఆరోగ్యానికి కలిగే ప్రయోజనాలు అనేకం. నేరేడు పండ్లు తింటే చాలా రకాల అనారోగ్య సమస్యలు దూరమౌతాయి. నేరేడులో పోషకాల కారణంగా డయాబెటిస్ నియంత్రణలో ఉంటుంది. జీర్షక్రియ మెరుగుపడుతుంది. ఇలా చాలా లాభాలున్నాయి.
చర్మ సంరక్షణ నేరేడు పండ్లు రోజూ తినడం వల్ల చర్మానికి సంరక్షణ లభిస్తుంది. ఇందులో ఉండే యాంటీ ఆక్సిడెంట్లు చర్మాన్ని ఫ్రీ రాడికల్స్ నుంచి కాపాడుతాయి.
బ్లడ్ ప్రెషర్ నేరేడులో ఉండే పొటాషియం కారణంగా బ్లడ్ ప్రెషర్ నియంత్రణలో ఉంటుంది. నేరేడు పండ్లు తినడం వల్ల శరీరంలోని వ్యర్ధాలు బయటకు తొలగిపోతాయి. శరీరాన్ని హెల్తీగా ఉంచేందుకు దోహదం చేస్తాయి. గుండె సంబంధిత వ్యాధులు కూడా దూరమౌతాయి.
కంటి ఆరోగ్యం నేరేడు పండ్లు కంటి ఆరోగ్యానికి చాలా మంచివి. ఇందులో ఉండే విటమిన్ ఎ, విటమిన్ సి కారణంగా కంటి చూపు పెరుగుతుంది. కంటి సంబంధిత సమస్యలు తొలగిపోతాయి.
కడుపు సంబంధిత సమస్యలకు చెక్ నేరేడు పండ్లు తినడం వల్ల కడుపు సంబంధిత సమస్యలు దూరమౌతాయి. ఎందుకంటే కడుపును, ప్రేవుల్ని నేరేడు పండ్లు క్లీన్ చేస్తాయి. జీర్ణక్రియ అద్భుతంగా మెరుగుపడుతుంది. ఆకలి పెరుగుతుంది. నేరేడు తినడం వల్ల శరీరంలో బ్లడ్ షుగర్ లెవెల్స్ నియంత్రణలో ఉంటాయి.
నేరేడు నేరేడు పండ్లు రుచిలో కూడా అమోఘంగా ఉంటాయి. ఇందులో కాల్షియం, పొటాషియం, సోడియం, ఫోలిక్ యాసిడ్, ఫైబర్ , విటమిన్ సి వంటి పోషకాలు సమృద్ధిగా ఉంటాయి. అందుకే ఆరోగ్యానికి చాలా చాలా మేలు చేస్తాయి.
