Riboflavin Foods: రిబోఫ్లెవిన్ మనిషి శరీరానికి అవసరమైన చాలా కీలకమైన పోషకం. విటమిన్ బిగా పిలుస్తాం. శరీరంలో ఎంజైమ్స్ పనితీరు మెరుగుపర్చేందుకు ఈ విటమిన్ దోహదపడుతుంది. ఇంకా చాలా రకాల ఇతర ప్రయోజనాలున్నాయి.
Riboflavin Foods: కార్బోహైడ్రేట్స్‌ను విడగొట్టడం, మొత్తం శరీరానికి పోషకాలు అందేట్టు చేయడంలో విటమిన్ బి పాత్ర కీలకమని చెప్పవచ్చు. విటమిన్ బి మెదడు పనితీరును కూడా మెరుగుపరుస్తుంది. రిబోఫ్లెవిన్ లేదా విటమిన్ బి ఏయే పదార్ధాల్లో పుష్కలంగా లభిస్తుందో తెలుసుకుందాం..
పెసర పప్పు పెసర పప్పులో సాధారణంగా ప్రోటీన్లు అత్యధికంగా ఉంటాయి. దాంతోపాటు విటమిన్ బి2, విటమిన్ బి3, విటమిన్ బీ6 కూడా చాలా ఎక్కువగా ఉంటాయి.
పాల ఉత్పత్తులు పాలు, పెరుగు, పన్నీర్ వంటి పాల ఉత్పత్తుల్లో విటమిన్ బి లేదా విటమిన్ బీ12, విటమిన్ బి3, విటమిన్ బి2, కావల్సినంతగా ఉంటుంది. అందుకే పాలను కంప్లీట్ ఫుడ్‌గా పిలుస్తారు.
ఫ్యాటీ ఫిష్ మాంసాహారులైతే ఫ్యాటీ ఫిష్ ఎక్కువగా తినడం వల్ల శరీరానికి కావల్సిన విటమిన్ బి2 పుష్కలంగా లభిస్తుంది. దీనికోసం సాల్మన్, ట్యూనా, మ్యాక్రల్, సెర్డీన్ వంటి చేపలు ప్రయోజనకరంగా ఉంటాయి.
గుడ్లు ప్రోటీన్ల కోసం చాలామంది గుడ్లు తింటుంటారకు. కానీ రోజుకు 2 గుడ్లు తింటే శరీరానికి కావల్సిన విటమిన్ బి12 సంపూర్ణంగా లభిస్తుంది.
బ్రోకలీ ఆకు పచ్చ కూరల్లో ముఖ్యంగా బ్రోకలీలో విటమిన్ బి పుష్కలంగా ఉంటుంది. విటమిన్ బి2, విటమిన్ బి3, విటమిన్ బి6 ఇలా మూడు రకాల పోషకాలు తగిన మోతాదులో లభిస్తాయి.
