Crazy wedding traditions: పెళ్లిళ్లుకు సంబంధించి వరల్డ్ వైడ్ గా వింత వింత ఆచారాలు ఉన్నాయి. ఆఫ్రికాలోని ఓ తెగలో అయితే ఇతరుల భార్యను దొంగలించి పెళ్లి చేసుకుంటారట. దానికి శిక్ష కూడా ఉండదట. అదెక్కడో తెలుసుకుందాం.
Weird Marriage Rituals: ప్రపంచవ్యాప్తంగా వివాహానికి సంబంధించి రకరకాల ఆచారాలు, వింత సంప్రదాయాలు ఉన్నాయి. అయితే ఈ రోజు మనం ఇతరుల భార్యను దొంగిలించి పెళ్లి చేసుకునే ప్రదేశం గురించి తెలుసుకుందాం. ఇలా చేసినా వారికి శిక్ష కూడా వేయరట. జరిమానా కూడా విధించారట. ఆ ప్రాంతం ఏదో తెలుసుకుందాం.
మీరు విన్నది నిజమే. ఆఫ్రికాలో ఒక తెగ ఉంది. ఇక్కడ ప్రజలు వివాహం చేసుకోవడానికి ఇతరుల భార్యలను దొంగిలించవలసి ఉంటుంది.
ఆఫ్రికాలోని వోడబ్బో తెగలో వింత ఆచారం ఉంది. ఇక్కడి వారు పెళ్లి చేసుకోవాలనుకుంటే.. ఇతరుల భార్యలను దొంగలించి జీవిత భాగస్వామిని చేసుకోవాల్సి ఉంటుంది.
ఈ తెగలో కుటుంబ సభ్యుల అంగీకారంతో మొదటి వివాహం జరుగుతుంది. అయితే రెండో పెళ్లికి సంబంధించి ఆచారంలో కాస్త ట్విస్ట్ ఉంది. ఎవరైనా మరొకరిని వివాహం చేసుకోవాలనుకుంటే, అతను మరొకరి భార్యను దొంగిలించవలసి ఉంటుంది. అలా కుదరకపోతే మళ్లీ పెళ్లి చేసుకునే హక్కు రాదు.
ఈ తెగకు చెందిన గిరిజనులు ప్రతి సంవత్సరం గేరెవోలు ఉత్సవం నిర్వహిస్తారు. ఈ పండుగలో అబ్బాయిలు ముఖానికి రంగులు పూసుకుంటారు. అనంతరం అతడు డ్యాన్స్ కార్యక్రమంలో పాల్గొంటాడు. ఇందులో తన నృత్యంతో వేరొకరి భార్యను ఆకర్షించడానికి ప్రయత్నిస్తాడు.
అయితే సదరు వ్యక్తి మహిళ భర్తకు తెలియకుండా ఇదంతా చేయాల్సి ఉంటుంది. ఆ వివాహిత అతడి పట్ల ఆకర్షితుడై ఇంటి నుంచి పారిపోతే.. వారిని కనిపెట్టి పెళ్లి చేస్తారు. దీనిని లవ్ మ్యారేజ్ గా పేర్కొంటారు
