Free Ration Scheme Extends: ఎన్నికల వేళ రేషన్ కార్డు హోల్డర్లకు ప్రధాని నరేంద్ర మోదీ గుడ్‌న్యూస్ చెప్పారు. 80 కోట్ల మంది పేదలకు ఉచిత రేషన్ పథకాన్ని వచ్చే ఐదేళ్లపాటు పొడిగిస్తున్నట్లు ప్రకటించారు. ఛత్తీస్‌గఢ్‌లో జరిగిన ర్యాలీలో మోదీ ప్రసంగించిన మోదీ.. ఈ మేరకు ప్రకటన చేశారు. దీంతో కేంద్ర ప్రభుత్వంపై దాదాపు రూ.2 లక్షల కోట్ల అదనపు భారం పడనుంది.
2020లో కోవిడ్ మహమ్మారి సమయంలో కేంద్ర ప్రభుత్వం ప్రధాన మంత్రి గరీబ్ కళ్యాణ్ అన్న యోజన (PMGKAY) స్కీమ్‌ను ప్రవేశపెట్టింది.
ఈ పథకం కింద లబ్ధిదారులకు ఉచితంగా ఐదు కిలోల గోధుమలు లేదా బియ్యం అందజేస్తోంది.
ఈ స్కీమ్‌ను ఏడాది డిసెంబర్ నెలతో ముగియనుండగా.. ప్రధాని మోదీ ఐదేళ్లు పొడగించారు.
అంటే డిసెంబర్ 2028 వరకు ఈ స్కీమ్‌ కింద రేషన్ కార్డు దారులు ఉచితంగా రేషన్ పొందొచ్చు.
ఐదు రాష్ట్రాల్లో విజయమే లక్ష్యంగా కేంద్రంలోని బీజేపీ ప్రభుత్వం వరాల జల్లు కురిపిస్తోంది.
