అమెరికాకు చెందిన మధు వల్లి(20) మిస్ ఇండియా వరల్డ్-2017 కిరీటాన్ని దక్కించుకుంది. ప్రపంచంలోని 18 దేశాలకు చెందిన వనితలు పాల్గొన్న ఈ పోటీల్లో మధు వల్లి విజేతగా నిలిచింది. ఆదివారం న్యూజెర్సీలో జరిగిన 26వ ఎడిషన్ అందాల ప్రదర్శనలో ప్రాన్స్ కు చెందిన స్టీఫెన్ మాధవానే రన్నరప్ గా, గయానాకు చెందిన సంగీత బహదూర్ మూడవ స్థానంలో నిలిచింది.
మధు వల్లి హిప్ హాప్ ఆర్టిస్ట్ గా పనిచేస్తూ, వర్జీనియాలోని జార్జ్ మాసన్ యూనివర్సిటీలో క్రిమినల్ లా చదువుతోంది. అందగత్తె కిరీటాన్ని కైవసం చేసుకున్న వల్లి ఆర్టిస్ట్ కావడం ఇష్టమని, భవిష్యత్తులో బాలీవూడ్, హలీవూడ్ చిత్రాలలో నటించాలని ఉందని పేర్కొన్నారు.
