RRR Movie Hreos Jr NTR, Ram Charan nominees for Best Actor in an Action Movie: దర్శకధీరుడు ఎస్ఎస్ రాజమౌళి దర్శకత్వంలో తెరకెక్కిన సినిమా 'ఆర్ఆర్ఆర్'. పాన్ ఇండియా సినిమాగా రూపొందిన ఈ చిత్రం.. ప్రపంచ వ్యాప్తంగా సత్తాచాటింది. ఆర్ఆర్ఆర్ సినిమాలో ఎన్టీఆర్ కొమురం భీమ్‌గా.. రామ్ చరణ్ అల్లూరి సీతారామరాజుగా తమ అద్భుత నటనతో అభిమానులని మెప్పించిన సంగతి తెలిసిందే. డీవీవీ ఎంటర్టైన్మెంట్స్ బ్యానర్‌పై దానయ్య భారీ వ్యయంతో రూపొందిన ఈ సినిమాలో అలియా భట్, ఒలీవియా మోరిస్ కథానాయికలుగా నటించారు.
ఆర్ఆర్ఆర్ సినిమా తెలుగు సహా పాన్ ఇండియా లెవల్లో సత్తా చాటింది. హిందీలోనూ ఆర్ఆర్ఆర్ చిత్రం సత్తాచాటి బాలీవుడ్‌ను షేక్ చేసింది. ఆర్ఆర్ఆర్ దెబ్బకు బాలీవుడ్‌ బడా హీరోల సినిమాలు కూడా సైడ్ అయిపోయాయి. ఇక కలెక్షన్ పరంగా ఎన్నో రికార్డులను తిరగరాసింది. ఈ సినిమా 2022 అక్టోబర్ నెలలో జపాన్ దేశంలో జపనీస్ భాషలో డబ్ చేసి రిలీజ్ చేస్తే.. అక్కడ కూడా మంచి రెస్పాన్స్ వచ్చింది. దాంతో ఆర్ఆర్ఆర్ రికార్డుల పరంపర కొనసాగుతోంది.
ఇప్పటికే ఆర్ఆర్ఆర్ మూవీలోని 'నాటు నాటు' పాటకు గోల్డేన్ గ్లోబ్ అవార్డ్ వచ్చింది. మరోవైపు నాటు నాటు పాట ప్రతిష్టాత్మక 'ఆస్కార్‌ అవార్డ్'కు నామినేట్ అయ్యింది. ఒరిజినల్ సాంగ్ కేటగిరిలో ఈ సాంగ్ నామినేట్ అయిన సంగతి తెలిసిందే. ఇక తాజాగా అంతర్జాతీయంగా పేరుగాంచిన 'క్రిటిక్స్ ఛాయిస్ సూపర్ అవార్డ్'ల్లో ఆర్ఆర్ఆర్ హీరోలు జూనియర్ ఎన్టీఆర్, మెగా పవర్ స్టార్ రామ్ చరణ్ 'బెస్ట్ యాక్టర్ ఇన్ యాక్షన్ మూవీ' క్యాటగిరిలో నామినేట్ అయ్యారు.
హాలీవుడ్ దిగ్గజ నటులైన టామ్ క్రూజ్, బ్రాడ్ పిట్, నికోలస్ కేజ్ వంటి వారితో ఎన్టీఆర్, రామ్ చరణ్ కాంపిటీషన్‌లో నిలిచారు. ఈ అవార్డుల ఫలితాలు 2023 మార్చి 16న వెల్లడి కానున్నాయి. మరి ఈ అవార్డు ఎవరిని వరిస్తుందో తెలియాలంటే మరికొద్దిరోజులు వేచి చూడాల్సిందే. ఏదేమైనా ఈ న్యూస్ అటు మెగా, ఇటు నందమూరి అభిమానులను సంతోషపరిస్తుంది. ఆర్ఆర్ఆర్ మూవీలో అజయ్ దేవ్‌గణ్, శ్రీయ కీలక పాత్రల్లో నటించిన విషయం తెలిసిందే.
Also Read: Ben Stokes: నాకు ఐపీఎల్‌ ముఖ్యం కాదు.. బెన్‌ స్టోక్స్‌ కీలక వ్యాఖ్యలు! చెన్నై సూపర్ కింగ్స్‌కు షాక్
Also Read: Lucky Zodiac Sign: ఈ 3 రాశుల వారిపై కుబేరుడి అనుగ్రహం.. ధనవంతులు అవడం పక్కా! టాటా-అంబానీ మాదిరి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
