Tamannaah’s Surprise In 'F3' : విక్టరీ వెంకటేష్, మెగా ప్రిన్స్ వరుణ్ తేజ్, బ్లాక్ బస్టర్ దర్శకుడు అనిల్ రావిపూడి ఫన్ ఫ్రాంచైజీ ఎఫ్3తో థియేటర్లలో నవ్వులు పంచడానికి సమ్మర్ సోగ్గాళ్ళుగా రాబోతున్నారు. ప్రేక్షకులు ఎంతగానో ఎదురుచూస్తున్న ఈ సినిమాని శ్రీ వెంకటేశ్వర క్రియేషన్స్ పతాకంపై దిల్ రాజు సమర్పణలో శిరీష్ నిర్మిస్తున్నారు. థియేటర్ లో నవ్వులు పండగ తీసుకురాబోతున్న ఎఫ్3 లో వెంకటేష్ కు జోడిగా తమన్నా, వరుణ్ తేజ్ కు జోడిగా మెహ్రీన్ సందడి చేయబోతున్నారు. తాజాగా విడుదలైన ఎఫ్ 3 థియేట్రికల్ ట్రైలర్ ఫన్ బ్లాస్ట్ గా నిలిచింది. విడుదలైన 24 గంటలో 12.5 మిలియన్ వ్యూస్ తో రికార్డ్ సృష్టించి యుట్యూబ్ టాప్ ట్రెండింగ్ లో కొనసాగుతుంది. ఫుల్ ఫన్ రైడ్ గా అవుట్ అండ్ అవుట్ ఎంటర్ టైనర్ గా సాగిన ఈ ట్రైలర్ లో చాలా సర్ప్రైజ్ లు అలరించాయి. అయితే సినిమాలో ఇంతకుమించిన సర్ ప్రైజ్ లు వుండబోతున్నాయి. ఇలా సర్ ప్రైజ్ ఇచ్చే ఎలిమెంట్స్ లో తమన్నా చేసిన హారిక పాత్ర ఒక మేజర్ హైలెట్ గా వుండబోతుంది.
ఎఫ్3 కథని మలుపు తిప్పే పాత్రలో తమన్నా కనిపించనుంది. ఎఫ్ 2కు మించి హారిక పాత్రని అద్భుతంగా ఎఫ్3లో డిజైన్ చేశారు దర్శకుడు అనిల్ రావిపూడి. ఎఫ్ 3 కథ మొత్తం హారిక పాత్ర చుట్టూ తిరుగుతుంటుంది. నటనకి ఆస్కారం వున్న హారిక పాత్రలో తమన్నా నటన నెక్స్ట్ లెవల్ లో వుంటుంది. వెంకటేష్- తమన్నా ల మధ్య వచ్చే సీన్స్ హిలేరియస్ గా ఉండబోతున్నాయి. ''మన ఆశలే మన విలువలు'' ఎఫ్3 లో తమన్నా హారిక పాత్ర చెప్పిన క్యాచి డైలాగ్ ఇది. ఈ డైలాగ్ హారిక క్యారెక్టరైజేషన్ లో కీలకంగా వుంటుంది. ఆశలతో మేడలు కట్టే హారికకి సోనాల్ చౌహాన్ పాత్ర పరిచయంతో కథలో బ్రిలియంట్ సర్ ప్రైజ్ రాబోతుంది. ఈ సర్ ప్రైజ్ సినిమాలో ఎక్స్ట్రార్డినరీగా వుండబోతుంది. తమన్నా కెరీర్ లోనే ఎఫ్ 3లో హారిక పాత్ర ది బెస్ట్ గా నిలవనుంది. ఎఫ్3 నుండి తమన్నా రెడ్ హాట్ డ్రెస్ లో ఉన్న పిక్స్ ని మేకర్స్ రిలీజ్ చేసారు ఇందులో తను చాలా అందం గా కనిపించింది./
ఇక ఫన్ బ్లాస్ట్ గా వచ్చిన ఎఫ్3 ట్రైలర్ సినిమాపై భారీ అంచనాలు పెంచడమే కాకుండా ఇప్పుడు ఎక్కడా చూసిన ఎఫ్ 3 ట్రైలర్ హంగామానే కనిపిస్తుంది. ట్రైలర్ లో వెంకటేష్ చెప్పిన '' సూపర్.. ఎక్స్ట్రార్డినరీ.. అదిరిపోయిందిగా' డైలాగ్ ని ప్రేక్షకులు ఎంజాయ్ చేస్తున్నారు. సోషల్ మీడియాలో ఎక్కడ చూసిన ఇప్పుడు ఇదే డైలాగ్ ట్రెండ్ అవుతుంది. దీంతో పాటు రేచీకటి పాత్రలో వెంకటేష్, నత్తి వున్న పాత్రలో వరుణ్ తేజ్ ఫెర్ఫార్మెన్స్, మనీ ప్లాంట్ ఫుడ్, దగ్గుబాటి ఫ్యామిలీ, మెగా ఫ్యామిలీ డైలాగ్స్ ని ప్రేక్షకులు హిలేరియస్ గా ఎంజాయ్ చేస్తున్నారు. ట్రైలర్ కేవలం సాంపిల్ మాత్రమే. ట్రైలర్ కు మించిన నవ్వుల వర్షం థియేటర్ లో కురవబోతుంది.
ఎఫ్ 3 మ్యూజికల్ గా సూపర్ హిట్ గా నిలిచింది. రాక్స్టార్ దేవి శ్రీ ప్రసాద్ మ్యూజిక్ లో ఇప్పటికే ఈ చిత్రం నుంచి విడుదలైన 'F3' థీమ్ సాంగ్, రెండో పాట 'వూ.. ఆ.. ఆహా.. ఆహా..ఆహా' పాటలు చార్ట్ బస్టర్స్ గా నిలిచాయి. స్టార్ హీరోయిన్ పూజా హెగ్డే స్పెషల్ పార్టీ సాంగ్ లో సందడి చేయబోతున్న ఈ చిత్రంలో నట కిరీటి రాజేంద్ర ప్రసాద్, సునీల్, అలీ, రఘుబాబు వెన్నెల కిషోర్ కీలక పాత్రల్లో కనిపించనున్నారు. సాయి శ్రీరామ్ సినిమాటోగ్రాఫర్ గా తమ్మిరాజు ఎడిటర్ గా పని చేస్తున్న ఈ చిత్రానికి హర్షిత్ రెడ్డి సహా నిర్మాత. ప్రేక్షకులకు నవ్వులు పంచడానికి మే 27న ఎఫ్ 3 ప్రపంచవ్యాప్తంగా భారీ విడుదలకు సిద్ధమైయింది.
Also Read - Mehreen Pirzada Photos: 'ఎఫ్ 3' మూవీ ప్రమోషన్స్ లో బిజీబిజీగా పంజాబీ బ్యూటీ!
Also Read - SVP Special Shows: 'సర్కారు వారి పాట' స్పెషల్ షోలు.. ఆ నాలుగు థియేటర్లలో ఉదయం 4 గంటలకే బొమ్మ పడుతుంది!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
