KKR vs DC IPL 2021 Qualifier 2 match live updates: ఐపీఎల్‌ 2021 సీజన్‌లో రెండో ఫైనలిస్ట్‌ ఎవరో తేల్చే క్వాలిఫయర్-2 మ్యాచ్ నేడు జరగనుంది. క్వాలిఫయర్ 1 మ్యాచ్‌లో చెన్నై సూపర్ కింగ్స్ చేతిలో ఓటమిపాలైన ఢిల్లీ క్యాపిటల్స్, ఎలిమినేటర్‌ మ్యాచ్‌లో రాయల్ ఛాలెంజర్స్ బెంగళూరును ఇంటికి పంపించిన కోల్‌కతా నైట్ రైడర్స్ జట్లు నేడు క్వాలిఫయర్ 2 మ్యాచ్‌లో తలపడనున్నాయి.
ఎవరికి ఏయే ప్లస్ పాయింట్స్ ఉన్నాయి ?
ఢిల్లీ క్యాపిటల్స్ బ్యాట్స్‌మెన్‌లో టాప్ ఆర్డర్‌ బలంగా ఉండగా మరోవైపు కోల్‌కతా నైట్ రైడర్స్ బౌలర్లలో సునీల్ నరైన్, షకీబ్‌ అల్‌ హసన్, వరుణ్‌ చక్రవర్తి వంటి స్పిన్నర్లు దూకుడుమీద ఉన్నారు. ఢిల్లీ క్యాపిటల్స్ జట్టులో పృథ్వీషా, శిఖర్ ధావన్‌, రిషబ్ పంత్‌, శ్రేయాస్‌ అయ్యర్ వంటి ఆటగాళ్లు సమిష్టిగా రాణిస్తే ఆ జట్టు విజయం సాధించడం పెద్ద కష్టమేమీ కాదు. ఒకవేళ కోల్‌కతా బౌలర్లు దూకుడు పెంచి ఢిల్లీ ఆటగాళ్లను కట్టడి చేయగలిగితే.. కోల్‌కతా నైట్ రైడర్స్ జట్టుకు (KKR vs DC match) కూడా విజయం ఈజీనే అవుతుంది.
DC weak areas - మైనస్ పాయింట్స్ ఏంటి ?
క్వాలిఫయర్-1లో విఫలమైన ఢిల్లీ క్యాపిటల్స్ క్వాలిఫయర్ 2 మ్యాచ్‌లో ఎలాగైనా కోల్‌కతా నైట్ రైడర్స్‌పై (Delhi Capitals vs Kolkata Knight Riders) పైచేయి సాధించి ఫైనల్‌కి చేరాలనే కసి మీద ఉంది. సీనియర్‌ ఆఫ్‌ స్పిన్నర్‌ రవిచంద్రన్ అశ్విన్‌ ఫామ్‌లో లేకపోవడం జట్టును ఇబ్బందికి గురిచేస్తోంది. ఈ సీజన్‌లో 12 మ్యాచ్‌లు ఆడిన రవిచంద్రన్ అశ్విన్‌ కేవలం 5 వికెట్లు మాత్రమే తీశాడు. పేస్‌ ఆల్‌ రౌండర్‌ మార్కస్‌ స్టొయినిస్‌ గాయంతో ఇబ్బంది పడుతున్నాడు.
Also read : David Warner slams SRH: సన్‌రైజర్స్ హైదరాబాద్‌పై డేవిడ్ వార్నర్ ఫైర్
KKR strength - కోల్‌కతాకు కలిసొచ్చే అంశాలు
ఎలిమినేటర్‌ మ్యాచ్‌లో రాయల్ చాలెంజర్స్‌ బెంగళూరును ఓడించిన జోష్‌లో ఉన్న కోల్‌కతా నైట్ రైడర్స్ జట్టు (Kolkata Knight Riders) క్వాలిఫయర్-2 మ్యాచ్‌లోనూ అదే దూకుడు కొనసాగించి ఐపిఎల్ 2021 ఫైనల్ చేరాలని ఉవ్విళ్లూరుతోంది. ఫామ్‌లో ఉన్న కోల్‌కతా ఓపెనర్ శుభ్మన్ గిల్‌, వెంకటేశ్‌ అయ్యర్ జట్టుకు ప్లస్ పాయింట్స్. మరోవైపు నితీశ్‌ రాణా, రాహుల్ త్రిపాఠి, దినేశ్‌ కార్తీక్‌, ఇయాన్ మోర్గాన్‌ బ్యాటింగ్ ఆర్డర్‌లో బలంగా ఉన్నారు.
కోల్‌కతా జట్టుకు మరో పెద్ద ప్లస్ పాయింట్ విండీస్‌ స్పిన్నర్‌ సునీల్ నరైన్. సునిల్ నరైన్ (Sunil Narine bowling) బౌలింగ్‌‌లో అద్భుతంగా రాణిస్తూనే బ్యాటింగ్‌‌లోనూ తన సత్తా చాటుకుంటున్నాడు. లాస్ట్ బట్ నాట్ లీస్ట్.. శివమ్ మావి. రాజస్థాన్ రాయల్స్‌ని ఇంటికి పంపించిన మ్యాచ్‌లో శివం మావి (Shivam Mavi) రెచ్చిపోయిన తీరు జట్టు విజయంలో కీలక పాత్ర పోషించింది.
ప్రస్తుతం ఉన్న అంచనాల ప్రకారం జట్టు సభ్యుల వివరాలు ఇలా ఉన్నాయి.
Delhi Capitals team against KKR - ఢిల్లీ క్యాపిటల్స్ జట్టు ఆటగాళ్లు: రిషబ్ పంత్‌ (కెప్టెన్‌), పృథ్వీ షా, శిఖర్ ధావన్‌, శ్రేయాస్‌ అయ్యర్, హెట్‌మైర్‌, స్టొయినిస్‌ లేదా టామ్‌ కరన్‌, అక్షర్‌, అశ్విన్‌, రబాడ, నోర్జే, అవేశ్‌ ఖాన్.
KKR team against Delhi Capitals - కోల్‌కతా నైట్ రైడర్స్: ఇయాన్ మోర్గాన్‌ (కెప్టెన్‌), శుభ్మన్ గిల్‌, వెంకటేశ్‌ అయ్యర్, రాహుల్ త్రిపాఠి, నితీష్ రాణా, దినేష్ కార్తీక్‌, షకీబుల్ హసన్, సునీల్ నరైన్, ఫెర్గూసన్‌, వరుణ్‌ చక్రవర్తి, శివమ్ మావి.
Also read : Virat Kohli Crying Video:ఏడ్చేసిన కోహ్లీ & డివిలియర్స్‌..ఇంటర్నెట్ లో వైరలైన వీడియో
KKR vs DC match time - కోల్‌కతా vs ఢిల్లీ మ్యాచ్ టైమ్:
ఐపిఎల్ 2021 సీజన్ ఫైనల్ మ్యాచ్‌లో చెన్నై సూపర్ కింగ్స్ జట్టుతో (Chennai Super Kings) తలపడే జట్టును నిర్ణయించే నేటి క్వాలిఫయర్ మ్యాచ్ రాత్రి 7.30 గంటలకు ప్రారంభం కానుంది. ఢిల్లీ, కోల్‌కతా జట్లలో ఎవరు విజేతలు అవుతారో తెలియాలంటే ఈ మ్యాచ్ ఫలితం తేలేవరకు లేచిచూడాల్సిందే.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
