కాకతీయ కళా వైభవం అనే పేరు పెట్టి సినిమా నటులను... అందునా ఆంధ్రప్రాంతానికి చెందిన సినిమా నటులను సత్కరిస్తే తాము అభ్యంతరం లేవనెత్తుతామని కాకతీయ హెరిటేజ్ ట్రస్టు సభ్యుడొకరు మాజీ ఎంపీ టి.సుబ్బిరామిరెడ్డిని హెచ్చరించారు. తెలంగాణకు ఆంధ్ర ప్రాంత సినిమా రంగం చేసిన నష్టం అంతా ఇంతా కాదని.. ఈ విషయాన్ని గుర్తుపెట్టుకొని ఇలాంటి సత్కారాలు చేయాలని ట్రస్టు వ్యవస్థాపక సభ్యుడు పాపారావు మీడియాకి తెలిపారు. ఒకవేళ సుబ్బిరామిరెడ్డి కాకతీయుల పేరును ఉపయోగించుకొని స్థానిక కళాకారులకు బాసటగా నిలిస్తే తాము స్వాగతిస్తామన్నారు. అంతేకానీ.. సినిమా సంస్కృతిని కాకతీయుల పేరుతో ముడిపెట్టటం తగదన్నారు. ఇటీవలే శిల్పకళావేదికతో 'కాకతీయ కళా వైభవం' పేరిట జరిగిన కార్యక్రమంలో సుబ్బిరామిరెడ్డి, సినీనటుడు మోహన్ బాబుని సత్కరించిన విషయం తెలిసిందే.
