Donald Trump: భారతీయులకు ఖుషీ కబురు చెప్పిన డొనాల్డ్ ట్రంప్..వారిని వెళ్లగొట్టి..వీరిని అక్కున చేర్చుకుంటా అంటూ కామెంట్స్

Donald Trump: డొనాల్డ్ ట్రంప్ భారతీయుకు తీపి కబురు చెప్పారు. తాను అధ్యక్ష పదవిని చేపట్టగానే..అక్రమ వలదారులు అందర్నీ అమెరికా నుంచి వెళ్లగొట్టి, చట్టబద్ధంగా వలస వచ్చేవారికి మార్గం సులువు చేస్తానంటూ ట్రంప్ పేర్కొన్నారు. 
 

1 /7

Donald Trump: అమెరికాకు కాబోయే అధ్యక్షుడు డొనాల్డ్ ట్రంప్ భారతీయులకు గుడ్ న్యూస్ చెప్పారు. ట్రంప్ అధికారంలోకి వస్తే భారతీయులకు ఇబ్బందులు తప్పవని ఇన్నాళ్లూ ఆందోళన చెందిన వారికి ట్రంప్ వ్యాఖ్యలు ఉపశమనం కల్పించినవని చెప్పవచ్చు.

2 /7

ఎందుకంటే తాజాగా ట్రంప్ ఎన్ బి సి టీవీకి ఇచ్చిన ఇంటర్వ్యూలో పలు అంశాల గురించి ఆసక్తికర వ్యాఖ్యలు వెల్లడించారు. అమెరికాలో సాధికారికంగా ప్రవేశం పొందాలనుకునేవారు ఈ దేశాన్నే ప్రేమించాలి. స్టాట్యూ ఆఫ్ లిబర్టీ అంటే ఏమిటో చెప్పాలి అన్నారు ట్రంప్.   

3 /7

కొన్ని దేశాల జైళ్ల నుంచి నేరస్తులు నేరుగా అమెరికాకు వస్తున్నారని అలాంటి 13, 099 మంది నేరస్తులు అమెరికా వీధుల్లో స్వేచ్ఛగా తిరుగుతున్నారని ట్రంప్ చెప్పుకొచ్చారు. ఈ ప్రమాదకర వ్యక్తులను మన దేశంలో ఉండనివ్వకూడదన్న ట్రంప్ వెంటనే వారికి వెళ్లగొట్టలని చెప్పారు.

4 /7

 అమెరికాకు అక్రమంగా వలస వచ్చిన తల్లిదండ్రుల సంతానంలో చాలా మంది ఇక్కడే పుట్టి పెరిగారని..వారిలో చాలా మంది గొప్ప గొప్ప ఉద్యోగులు, వ్రుత్తులో ఉన్నారన్నారు. వారి సమస్యను పట్టించుకుంటానని స్పష్టం చేశారు.   

5 /7

ప్రతిపక్ష డెమోక్రాట్లతో కలిసి ఒక పరిష్కారం కనుగొంటానని ట్రంప్ వివరించారు. పొరుగు దేశాలైనా కెనడా, మెక్సికోల నుంచి అమెరికాలోకి లక్షల మంది అక్రమ వలసదారులు పొటేత్తుతున్నారని దీన్ని కంట్రోల్ చేయకపోతే ఈ రెండు దేశాలపై 25శాతం సుంకాలు విధిస్తానని ట్రంప్ ఈ మధ్యే ప్రకటించారు.   

6 /7

దీనిపై రెండు దేశాలు హాహాకారాలు చేశాయి. కెనడా, మెక్సికోలు అమెరికాలో 51, 52వ రాష్ట్రాలుగా చేరిపోవడం మంచిదన్నారు. అమెరికా ఇప్పటికే కెనడాకు 10,000కోట్ల డాలర్లు, మెక్సికోకు 30,000కోట్ల డాలర్ల చొప్పున రాయితీలు ఇస్తుందని..వీటిని కట్టిపెట్టాల్సిన అవసరం ఉందన్నారు.   

7 /7

చైనా తదితర దేశాలపై సుంకాలు పెంచితే సరుకుల ధరలు పెరిగి సామాన్య అమెరికన్ పౌరులు నష్టపోతారని కంపెనీల సీఈఓలు కొందరు చేస్తున్న హెచ్చరికలను ట్రంప్ తోసిపుచ్చారు. ట్యాక్స్ సాయంతో తాను యుద్ధాలను ఆపానని తెలిపారు.