Sai Pallavi: సాయి పల్లవి కి సౌత్ ఇండియాలో ఉండే క్రేజ్..గురించి ప్రత్యేకంగా చెప్పనవసరం లేదు. శేఖర్ కమ్ములా దర్శకత్వంలో వచ్చిన ఫిదా సినిమాతో నిజంగానే ఫిదా చేసింది ఈ హీరోయిన్. ఇక అప్పటినుంచి తెలుగు ఇండస్ట్రీలో ఈమెకు వరస అవకాశాలు రావడం మొదలయ్యాయి. తెలుగులోనే కాకుండా తమిళంలో కూడా.. సాయి పల్లవికి సపరేట్ ఫ్యాన్ బేస్ ఉంది.
మలయాళం లో వచ్చిన ప్రేమమ్ సినిమాతో సినీ ప్రేక్షకులకు పరిచయమైన హీరోయిన్ సాయి పల్లవి. ఈ చిత్రంలో టీచర్ గా కనిపించి అందరిని తెగ ఆకట్టుకుంది. మొదటి సినిమాతోనే ఈమెకు అందరూ ఫిదా అయిపోయారు. ఇక ఆ తరువాత శేఖర్ కమ్ముల దర్శకత్వంలో వచ్చిన ఫిదా సినిమాతో తెలుగు ప్రేక్షకులకు పరిచయమైంది.
సాయి పల్లవి కెరియర్ లో ఫిదా సినిమాకి ప్రత్యేక స్థానం ఉంది. ఈ చిత్రంతోనే.. తెలుగు సినిమా ఇండస్ట్రీలో ఎంతోమంది అభిమానులను సంపాదించుకుంది ఈ హీరోయిన్. మరోసారి శేఖర్ కమ్ములతో సాయిపల్లవి తీసిన లవ్ స్టోరీ కూడా ఆమెకు మంచి విజయం అందించింది.
మరోపక్క తమిళంలో కూడా ఎన్నో చిత్రాలలో నటించి మంచి పేరు తెచ్చుకుంది ఈ నటి. ఒక రకంగా చెప్పాలి అంటే స్టార్ హీరోలకి ఎంతటి క్రేజ్ ఉంటుందో.. సాయి పల్లవికి కూడా అంతే క్రేజ్ ఉందని రుజువు చేసుకుంది. తెలుగు ప్రేక్షకులైతే ఈమెను ఏకంగా.. లేడి పవర్ స్టార్ అంటారు.
ఈ క్రమంలో ఈ మధ్య సాయి పల్లవి హీరోయిన్ గా చేసిన చిత్రం అమరన్.. తమిళంతో పాటు తెలుగులో కూడా.. మంచి ఓపెనింగ్ సాధించింది. మేజర్ ముకుందన్ బయోపిక్ గా వచ్చిన ఈ చిత్రంలో.. సాయి పల్లవి కి జోడిగా శివ కార్తికేయన్ నటించాడు.
ఇక ఈ మధ్య వరకు.. ఈ సినిమాకి సాయి పల్లవి ఏకంగా మూడు కోట్ల రెమ్యూనరేషన్ తీసుకుంది అనే వార్త సోషల్ మీడియాలో తెగ వైరల్ అయింది. ఇప్పుడు మరో వార్త కూడా సెన్సేషన్ క్రియేట్ చేస్తోంది. అదేమిటంటే సాయి పల్లవి ఈ చిత్రం కోసం మూడు కోట్లు తీసుకోగా.. శివ కార్తికేయన్ ఏకంగా 30 కోట్లు తీసుకున్నారట. అంటే సాయి పల్లవి కన్నా 10 రెట్లు ఎక్కువ రెమ్యూనరేషన్ హీరోకి దక్కినట్లు సమాచారం.
