Mr India Sequel: బాలీవుడ్ లో మాత్రమే కాక మిగతా భాషల్లో కూడా మిస్టర్ ఇండియా సినిమా గురించి తెలియని వారు ఉండరు. అప్పట్లో ఈ సినిమా సాధించిన విజయం అలాంటిది. 1987లో విడుదలైన ఈ సూపర్ ఫాంటసీ సినిమా అప్పట్లో బాక్స్ ఆఫీస్ వద్ద కలెక్షన్ల మూత మోగించింది.
అమ్రిష్ పూరి ముఖ్యపాత్రలో నటించిన ఈ సినిమాకి శేఖర్ కపూర్ దర్శకత్వం వహించారు. బోనికపూర్ ఈ సినిమాని నిర్మించారు. అప్పటికి శ్రీదేవితో ఇంకా ఆయన పెళ్లి కాలేదు. భారీ బడ్జెట్ తో నిర్మించిన ఈ సినిమా నిర్మాతలపై కనక వర్షం కురిపించింది.
చేతికి వాచ్ పెట్టుకోగానే అదృశ్యమైపోయే హీరో పాత్ర చుట్టూ తిరిగి ఈ సినిమాలోని గ్రాఫిక్స్ అప్పట్లో ప్రేక్షకులకు విపరీతంగా నచేసాయి. శ్రీదేవి అనిల్ కపూర్ ల మధ్య కెమిస్ట్రీ కూడా ఈ సినిమాకి బాగా వర్కౌట్ అయింది. ఈ సినిమా విడుదలై నాలుగు దశాబ్దాలు పూర్తి అవ్వస్తుండగా ఇప్పుడు ఈ సినిమాకి సీక్వెల్ ప్లాన్ జరుగుతోంది.
నిజానికి 2011లోనే మిస్టర్ ఇండియా సినిమా కి సీక్వెల్ ప్లాన్స్ జరిగాయి. అప్పటికి శ్రీదేవి కూడా బతికే ఉన్నారు. మళ్లీ శ్రీదేవి అనిల్ కపూర్ జంటగా సల్మాన్ ఖాన్ ను విలన్ గా పెట్టి ఏఆర్ రెహమాన్ సంగీతంతో భారీ బడ్జెట్ తో సినిమా తీయాలని అనుకున్నారు. కానీ ఆ ఆలోచన ఎక్కువ కాలం నిలవలేదు.
కానీ ఈసారి మాత్రం మిస్టర్ ఇండియా 2 ఖచ్చితంగా ఉంటుంది అని బోనీ కపూర్ కరాకండిగా చెబుతున్నారు. జి వెస్ట్రన్ స్టూడియోస్ భాగస్వామ్యంలో బోనీ కపూర్ ఈ సినిమాని నిర్మించేందుకు ప్లాన్స్ చేస్తున్నట్లు సమాచారం. శ్రీదేవి ఇక లేరు కాబట్టి ఆమె స్థానంలో తన ఇద్దరు కూతుర్లు జాన్వి కపూర్ లేదా ఖుషి కపూర్ లో ఎవరో ఒకరు ఈ సినిమా చేస్తే బాగుంటుంది అని సమాచారం.
అప్పట్లో హీరోగా నటించిన అనిల్ కపూర్ పాత్రకి ఒక కొడుకు క్యారెక్టర్ డిజైన్ చేసి దానితో కథను ముందుకు నడిపే అవకాశం కనిపిస్తోంది. ఇక అనిల్ కపూర్ కొడుకు పాత్రలో రన్బీర్ కపూర్ నటిస్తే ఈ సినిమాపై మరింత అంచనాలు పెరిగే అవకాశం ఉంటుంది అని ప్రత్యేకంగా చెప్పాల్సిన అవసరం లేదు.
Also Read: KTR Vs Kishan Reddy: గాలికి గెలిచిన కిషన్‌ రెడ్డికి ఈసారి ఓటమే.. ఇదే నా ఛాలెంజ్‌: కేటీఆర్‌
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
