India Vs New Zealand Live Score Updates: అభిమానులు ఎంతగానో ఎదురుచూస్తున్న తొలి సెమీ ఫైనల్‌ పోరుకు భారత్, న్యూజిలాండ్ జట్లు సిద్ధమయ్యాయి. గ్రూప్ దశలో అన్ని మ్యాచ్‌లు నెగ్గి సెమీస్‌కు చేరిన టీమిండియా.. అదే జోరును కంటిన్యూ చేయాలని చూస్తోంది. మరోసారి భారత్‌ను సెమీస్‌లో ఓడించి ఫైనల్‌కు చేరుకోవాలని న్యూజిలాండ్ భావిస్తోంది. 2019 సెమీస్ ఓటమికి ప్రతీకారం తీర్చుకోవాలని భారత్.. ఒక్కసారైనా ప్రపంచకప్ గెలవాలని కివీస్ అస్త్రశస్త్రాలను సిద్ధం చేసుకుని బరిలో దిగుతున్నాయి. టీమిండియా బ్యాటింగ్, బౌలింగ్‌లో దుమ్మురేపుతుండగా.. కివీస్ బ్యాటింగ్‌లో మిడిల్ ఆర్డర్ కాస్త బలహీనంగా ఉంది. తొలి సెమీఫైనల్‌లో టాస్ చాలా కీలకం కానుంది. ఈ మ్యాచ్‌లో టాస్ గెలిచిన జట్టు ముందుగా బ్యాటింగ్ ఎంచుకునే అవకాశం ఉంది. ముంబైలోని వాంఖేడే స్టేడియ వేదికగా బుధవారం మధ్యాహ్నం 1.30 గంటలకు టాస్ జరుగుతుంది. లైవ్ అప్డేట్స్ కోసం ఇక్కడ ఫాలో అవ్వండి.
