Ram Pothineni: ఎనర్జిటిక్ స్టార్ రామ్ పోతినేని-మాస్ డైరెక్టర్ బోయపాటి శ్రీను కాంబోలో వస్తున్న మూవీ స్కంద. ఇప్పటికే షూటింగ్ పూర్తి చేసుకున్న ఈ మూవీ శుక్రవారం ప్రేక్షకుల ముందుకు రానుంది. మాస్ ఎంటర్ టైనర్ గా రాబోతున్న ఈ సినిమాపై ఆడియెన్స్ కు భారీగానే అంచనాలు ఉన్నాయి. ఇప్పటికే రిలీజైన పోస్టర్స్, టీజర్, ట్రైలర్ విపరీతమైన ప్రేక్షకాదరణ పొందాయి. ఇందులో రామ్‌కు జోడీగా శ్రీలీల నటించింది. థమన్‌ సంగీతం అందించాడు. శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి ఈ చిత్రాన్ని నిర్మించారు. స్కంద మూవీ సెప్టెంబర్ 28న తెలుగుతో పాటు హిందీ, తమిళం, కన్నడ, మలయాళంలోనూ రిలీజ్ కానుంది. ఈ నెల 25న ఈ సినిమా కొత్త ట్రైలర్ చూస్తే.. ఆడియెన్స్ కు యాక్షన్ ఫీస్ట్‌లా ఉంది. ఇందులో యాక్షన్, డైలాగ్స్ రామ్ ఇరగదీసినట్లు తెలుస్తోంది.
ఈ మూవీ కోసం రామ్ తన మేకోవర్ ను పూర్తిగా చేంజ్ చేసుకున్నాడు. ఇస్మార్ట్‌ శంకర్‌ సినిమాతో మాస్ హీరోగా మారిన రామ్.. అదే జోరును ఈ సినిమాతోనూ కొనసాగించాడు. బోయపాటి మూవీ కోసం రామ్ తెగ కష్టపడ్డాడట. రామ్ తన క్యారెక్టర్ కోసం ఏకంగా 12కిలోల బరువు పెరిగాడట. ఆయన డెడికేషన్‌కు హ్యాట్సఫ్ చెప్పాల్సిందే. ప్రస్తుతం ఈ మూవీ ప్రమోషన్స్ జోరుగా సాగుతున్నాయి. ఈ సినిమాకు ఇప్పటికే ఓ రేంజ్‌లో బిజినెస్‌ జరిగిందని తెలుస్తోంది. స్టార్ సంస్థ సౌత్‌లోని అన్ని భాషల నాన్‌-థియేట్రికల్‌ రైట్స్ ను దాదాపు రూ.50 కోట్లకు కొనుక్కుందని టాక్ వినిపిస్తోంది. స్కంద బ్రేక్‌ ఈవెన్‌ సాధించాలంటే వంద కోట్ల గ్రాస్‌ మార్కును క్రాస్ చేయాల్సిందే. ఈ సినిమాను వినాయక చవితికి తీసుకురావాల్సి ఉండగా.. పలు కారణాల వల్ల ఈ చిత్రాన్ని సెప్టెంబరు 28కి వాయిదా వేశారు.
Also Read: Jailer 2: వామ్మో.. జైలర్ సీక్వెల్ కోసం డైరెక్టర్ కు అన్ని కోట్ల రూపాయల అడ్వాన్సా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
