Valentine Week 2022: ఆధునిక కాలంలోని నేటి కొత్త తరం వాలెంటైన్స్ వీక్ కోసం ఎంతో ఆసక్తిగా ఎదురుచూస్తోంది. ఈ వారం ఫిబ్రవరి 7న మొదలై ఫిబ్రవరి 14 వరకు కొనసాగుతుంది. ప్రతి ఏడాది ఫిబ్రవరి 7న.. వాలెంటైన్ వీక్ లోని తొలి రోజును Rose Dayగా ప్రేమికులు జరుపుకొంటారు. ఎరుపు, పసుపు, తెలుపు, గులాబీ రంగుల గులాబీ పువ్వులను ప్రేమికులు ఇచ్చి పుచ్చుకుంటారు. అయితే వాలెంటైన్ డే వీక్ లో తొలి రోజును Rose Dayగా జరుపుకోవడానికి కారణం ఏంటో తెలుసుకుందాం.
Rose Day ఎందుకు జరుపుకుంటారు?
మీలోని ప్రేమను వ్యక్తీకరించడానికి Rose Dayని చాలా మంచి రోజుగా ప్రేమికులు పరిగణిస్తారు. ఆ రోజున తాము ప్రేమించి వ్యక్తికి గులబీలను ఇచ్చి మనసులోని మాటను బయటపెడతారు.
Rose Day చరిత్ర
గులాబీ పువ్వు అనేది ఒకరి భావాలను వ్యక్తీకరించడానికి చిహ్నంగా పరిగణిస్తారు. మొఘల్ బేగం నూర్జహాన్‌కు ఎర్ర గులాబీలంటే చాలా ఇష్టమని చరిత్ర చెబుతోంది. నూర్జహాన్ ను సంతోషపెట్టడానికి, ఆమె భర్త ప్రతిరోజూ ప్యాలెస్‌కి తాజా గులాబీలను పంపేవాడని చెబుతారు.
మరొక నమ్మకం ప్రకారం, క్వీన్ విక్టోరియా కాలంలో ప్రజలు తమ భావాలను వ్యక్తీకరించడానికి గులాబీలను మార్చుకునే సంప్రదాయాన్ని ప్రారంభించారు. విక్టోరియన్లు, రోమన్లు కూడా గులాబీలతో తమ ప్రేమను వ్యక్తం చేసేవారని నమ్ముతారు. అందుకే ఈ వాలెంటైన్ డే వీక్ లో ప్రేమను వ్యక్తీకరించేందుకు గులాబీ పువ్వులను ఉపయోగిస్తారు.
ఏఏ రంగుల గులాబీలు ఇవ్వొచ్చు?
మీ జీవితంలో తొలి సారి ఇష్టమైన వ్యక్తికి గులాబీలు ఇవ్వాలని ఆలోచిస్తే.. వివిధ రంగుల గులాబీలకు వేర్వేరు అర్థాలు ఉంటాయని మీరు తెలుసుకోవాలి.
1) ఎరుపు రంగు గులాబీ
ఎరుపు గులాబీ ప్రేమ, అభిరుచి, భావోద్వేగాలతో ముడిపడి ఉంటుందని నమ్ముతారు. ఎరుపు గులాబీల ప్రత్యేకత ఏమిటంటే, దానిని ఇవ్వడం ద్వారా, మీరు ఎదుటి వ్యక్తిని మీరు ఎంతగా ప్రేమిస్తున్నారో తెలుసుకుంటారు.
2) పసుపు రంగు గులాబీ
పసుపు గులాబీ స్నేహానికి చిహ్నంగా పరిగణిస్తారు. మీరు మీ స్నేహితులను ప్రేమిస్తున్నారని చెప్పాలనుకుంటే, మీరు వారికి పసుపు గులాబీలను ఇవ్వొచ్చు. పసుపు రంగు కూడా మనసుకు ఆనందాన్ని ఇస్తుంది.
3) తెల్ల గులాబీ
తెలుపు రంగు శాంతికి చిహ్నం. మీరు ఎవరితోనైనా చాలా గొడవలు పడినప్పుడు తెలుపు గులాబీని ఇస్తారు. కానీ, ఇప్పుడు మీరు అన్నింటినీ మరచిపోయి మీ సంబంధాన్ని కొత్త మార్గంలో ప్రారంభించాలని కోరుతున్నట్లు అర్థం.
4) పింక్ గులాబీ
ప్రేమికుల రోజు కేవలం జంటలకు మాత్రమే కాదు. మీరు మీ తల్లిదండ్రులతో కూడా ఈ వాలెంటైన్ డే వీక్ ను జరుపుకోవచ్చు. అటువంటి పరిస్థితిలో, మీరు గులాబీ రోజున వారికి పింక్ గులాబీలను ఇవ్వొచ్చు. ఎవరికైనా కృతజ్ఞతలు చెప్పేందుకు గులాబీ గులాబీలు ఇస్తారు.
5) ఆరెంజ్ కలర్ గులాబీ
ఈ గులాబీ రంగు అభిరుచికి చిహ్నం. ఇది ఉత్సాహం, కోరికను చూపుతుంది. ప్రేమికులు తమ ప్రేమలో అభిరుచి, ఉత్సాహాన్ని తీసుకురావడానికి ప్రతీకగా నారింజ గులాబీలను ఇవ్వొచ్చు.
వాలెంటైన్స్ డే కథ ఏమిటి?
'ఆరియా ఆఫ్ జాకోబస్ డి వరగిన్' పుస్తకంలో వాలెంటైన్ గురించి ప్రస్తావించారు. రోమ్‌లోని వాలెంటైన్ అనే సెయింట్ పేరు మీద ఈ రోజును ప్రపంచవ్యాప్తంగా జరుపుకొంటారు. సెయింట్ వాలెంటైన్ ప్రపంచవ్యాప్తంగా ప్రేమను చూడాలని కోరుకున్నాడని, అయితే రోమ్ రాజు క్లాడియస్ చక్రవర్తికి ఈ విషయం అస్సలు నచ్చలేదని చెబుతారు. రోమన్లు తమ భార్యలు, కుటుంబాలతో బలమైన అనుబంధం కారణంగా సైన్యంలో చేరడం లేదని క్లాడియస్ భావించాడు. అయితే ప్రపంచవ్యాప్తంగా ప్రేమ కురవాలనే ఆకాంక్ష కలిగిన వాలెంటైన్ పేరుతో ఫిబ్రవరి 14న వాలెంటైన్స్ డే ను ప్రేమికులు జరుపుకొంటారు.
Also Read: Housing Loan: హౌసింగ్ లోన్ కోసం చూస్తున్నారా..ఏ డాక్యుమెంట్లు అవసరమో తెలుసా
ALso Read: Girls Google Searching: 17 శాతం మంది అమ్మాయిలు ఇంటర్నెట్ లో సెక్స్ గురించి సెర్చ్ చేస్తున్నారట!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
