Paneer Butter Masala Recipe: పనీర్ బటర్ మసాలా, దీనిని బటర్ పనీర్ అని కూడా పిలుస్తారు. ఈ రెసిపీని వెన్నను ఉపయోగించి వండుతారు. ఈ వంటలో క్రీమును ఉపయోగిస్తారు. ఇది ఎంతో సువాసనతో అలాగే రుచికరంగా ఉంటుంది. ఇది బటర్ నాన్‌తో చాలా బాగుంటుంది. అలాగే రోటీ, చపాతీ, సాదా మెత్తటి బాస్మతి రైస్ లేదా జీరా రైస్‌తో కలిపి తింటే స్వర్గంలో ఉన్న ఫీల్‌ ఉంటుంది. కడై పనీర్, పాలక్ పనీర్ , మటర్ పనీర్ , మలై కోఫ్తా వంటి భారతీయ రెస్టారెంట్లలో ఇది అత్యంత ప్రజాదరణ పొందిన వంటకాల్లో ఒకటి .
ఈ పనీర్ బటర్ మసాలా కూరను ఇక్కడ చెప్పిన విధంగా తయారు చేసుకుంటే ఇది ఖచ్చితంగా రెస్టారెంట్‌లో ఆర్డర్ చేసినట్లే ఉంటుంది. దీని ఇంట్లోనే ఎంతో సులభంగా తయారు చేసుకోవచ్చు. దీని కోసం మీరు కొన్ని వస్తువులను మాత్రమే బయట తీసుకోవాలి. ఈ డిష్‌ మీరు ఇంట్లో తయారు చేసుకొని తింటే మళ్లీ మళ్లీ తినాలి అంటారు. అయితే ఈ డిష్‌ ను ఎలా తయారు చేసుకోవాలి అనేది మనం ఇప్పుడు తెలుసుకుందాం.
పనీర్ బటర్ మసాలా కూరకి కావాల్సిన పదార్థాలు:
పనీర్ - 250 గ్రాములు (చిన్న ముక్కలుగా కోసుకోవాలి)
ఉల్లిపాయలు - 2 (సన్నగా తరిగినవి)
టమాటాలు - 3 (పెద్దవి, తరిగినవి)
అల్లం వెల్లుల్లి పేస్ట్ - 1 టేబుల్ స్పూన్
పచ్చి మిరపకాయలు - 2 (సన్నగా తరిగినవి)
కారం పొడి - 1 టీస్పూన్
గరం మసాలా పొడి - 1/2 టీస్పూన్
కొత్తిమీర పొడి - 1 టీస్పూన్
పెరుగు - 1/2 కప్పు
వెన్న - 2 టేబుల్ స్పూన్లు
నూనె - 2 టేబుల్ స్పూన్లు
ఉప్పు - రుచికి సరిపడా
కొత్తిమీర - అలంకరించడానికి
పనీర్ బటర్ మసాలా కూర తయారీ విధానం:
ముందుగా ఒక పాన్ లో నూనె వేడి చేసి, అందులో ఉల్లిపాయలు వేసి బంగారు గోధుమ రంగు వచ్చేవరకు వేయించుకోవాలి. ఆ తర్వాత అల్లం వెల్లుల్లి పేస్ట్ వేసి ఒక నిమిషం పాటు వేయించాలి. ఇందులో టమాటాలు, పచ్చి మిరపకాయలు వేసి టమాటాలు మెత్తబడే వరకు ఉడికించుకోవాలి. ఆ తర్వాత కారం పొడి, గరం మసాలా పొడి, కొత్తిమీర పొడి వేసి బాగా కలపాలి. ఇప్పుడు ఇందులోకి పెరుగు వేసి, మూత పెట్టి ఐదు నిమిషాలు ఉడికించాలి. అలాగే వెన్న వేసి పనీర్ ముక్కలు వేసి రెండు నిమిషాలు ఉడికించాలి. దీనికి తగినంత
ఉప్పు వేసి కలుపుకోవాలి. ఇప్పుడు వేడిగా అన్నం లేదా రోటీలతో వడ్డించి తింటే ఉంటుంది. మీరు మళ్లీ తింటారు.
Also Read Badam Milk: బాదం పాలు ఆరోగ్యానికి ఎంతవరకూ మంచివి, నష్టాలు కూడా ఉన్నాయా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
