Covishield booster dose: దేశంలో బూస్టర్ డోస్గా కోవిడ్షీల్డ్ ఇచ్చే అవకాశాలు కనిపిస్తున్నాయి. బూస్టర్ డోస్ ఇచ్చేందుకు అనుమతులు కోరుతూ కోవిషీల్డ్ వ్యాక్సిన్ ఉత్పత్తి సంస్థ (Covishield as a booster) సీరమ్ ఇన్స్టిట్యూట్ ఆఫ్ ఇండియా (ఎస్ఐఐ) డ్రగ్స్ కంట్రోలర్ జనరల్ ఆఫ్ ఇండియా (డీసీజీఐ)కు దరఖాస్తు చేసుకుంది.
దరఖాస్తులో ఏముందంటే..
ప్రస్తుతం దేశీయ అవసరాలకు సరిపడా వ్యాక్సిన్ నిల్వలు ఉండటం సహా.. కొత్త వేరయంట్ భయాలతో బూస్టర్ డోస్కు డిమాండ్ పెరిగింది. ఈ నేపథ్యంలో మూడో డోస్ ఇచ్చేందుకు అనుమతులు ఇవ్వాలని సీరమ్ (Serum Institute of India) దరఖాస్తులో పేర్కొన్నట్లు అధికారిక వర్గాల ద్వారా తెలిసింది.
ఈ మేరకు డ్రగ్స్ కంట్రోలర్ జనరల్ ఆఫ్ ఇండియా (DCGI) డైరెక్టర్ ప్రకాశ్ కుమార్ సింగ్ ముందుకు అప్లికేషన్ పంపినట్లు (Drugs Controller General of India) సమాచారం. ఈ లేఖలో యూకేకు చెందిన మెడిసిన్ హెల్త్కేర్ ప్రోడక్ట్స్ రెగ్యులేటరీ ఏజెన్సీ ఇప్పటికే.. బూస్టర్ డోస్ ఇచ్చేందుకు ఆస్ట్రాజెనికా వ్యాక్సిన్కు అనుమతిచ్చిన విషయాన్ని ప్రస్తావించినట్లు సమాచారం.
మరోవైపు ప్రపంచవ్యాప్తంగా కరోనా వైరస్ విజృంభణ నేపథ్యంలో ఇప్పటికే చాలా దేశాలు వ్యాక్సిన్ బూస్టర్ డోస్ (Booster dose of COVID-19 vaccines) ఇవ్వడం ప్రారంభించాయనే విషయాన్ని కూడా నియంత్రణ సంస్థ దృష్టికి తీసుకెళ్లినట్లు తెలిసింది.
కోవిషీల్డ్ రెండు డోసులు తీసుకున్న భారత పౌరులతో పాటు ఇతర దేశాల ప్రజలు కూడా బూస్టర్ డోస్కు అనుమతించాలని కోరుతూ తమకు ఇటీవల వినతులు వెల్లువెత్తుతున్న విషయాన్ని ప్రకాశ్ కుమార్ సింగ్ ముందుకు తీసుకెళ్లినట్లు వెల్లడైంది.
ప్రస్తుత పరిస్థితుల్లో ప్రతి ఒక్కరు తమను తాము కరోనా నుంచి కాపాడుకునేందుకు మూడో తీసుకునే అవకాశం కల్పించాలని సీరమ్ అప్లికేషన్లో పేర్కొన్నట్లు సమాచారం.
రాష్ట్రాల వినతులు..
ఇటీవలే కేరళ, రాజస్థాన్, కర్ణాటక, చత్తీస్గఢ్ ప్రభుత్వాలు కూడా.. బూస్టర్ డోస్ ఇచ్చేందుకు అనుమతివ్వాలని కేంద్రాన్ని కోరాయి. ఒమిక్రాన్ వేరియంట్ భయాలు పెరిగిపోయిన నేపథ్యంలో ఈ మేరకు ఆయా రాష్ట్రాలు విన్నవించాయి.
బూస్టర్ డోసుపై ఢిల్లీ హై కోర్టు ఆదేశాలు..
ఢిల్లీ హై కోర్టు కూడా నవంబర్ 25న బూస్టర్ డోసుపై కేంద్రం వైఖరి ఏమిటో స్పష్టంగా తెలపాలని ఆదేశించింది. మరోసారి కరోనా రెండో దశ లాంటి పరిస్థితులు రాకుండా చూడాలని కూడా పేర్కొంది.
బూస్టర్ డోసుపై కేంద్రం ఏమందంటే..
ఇమ్యునైజేషన్పై నేషనల్ టెక్నికల్ అడ్వైజరీ గ్రూప్, వ్యాక్సిన్ అడ్మినిస్ట్రేషన్పైషనల్ ఎక్స్పర్ట్ గ్రూప్ ప్రస్తుతం.. బూస్టర్ డోసు ఇవ్వడం వల్ల ఎలాంటి ఫలితాలు ఉన్నాయనే విషయాన్ని సైంటిఫిక్గా తెలుసుకునేందుకు ప్రయత్నిస్తున్నాయని కేంద్రం పార్లమెంట్కు సమాచారమిచ్చింది.
Also read: Corona Omicron Variant: కరోనా కొత్త వేరియంట్ ఒమిక్రాన్ నుండి మిమ్మల్ని కాపాడే పద్ధతులు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
