Railway Exams Tips: కేంద్ర ప్రభుత్వ ఉద్యోగాల్లో అందరూ ఇష్టపడేది రైల్వే ఉద్యోగాలు. ప్రతియేటా రైల్వే రిక్రూట్‌మెంట్ కోసం ప్రతి ఒక్కరూ ఎదురుచూస్తుంటారు. రైల్వే రిక్రూట్‌మెంట్ పరీక్షకు ఎలా సన్నద్ధమవాలో..కొన్ని టిప్స్ తెలుసుకుందాం..
భారతీయ రైల్వే దేశంలోనే అతిపెద్ద ఉద్యోగాల వేదిక. ప్రతియేటా వేలాదిమంది నియామకాలు జరుగుతుంటాయి. అందరికీ ఇష్టమైన ఉద్యోగాలు కావడంతో ప్రతియేటా విడుదల చేసే రిక్రూట్‌మెంట్ నోటిఫికేషన్ కోసం నిరీక్షణ ఉంటుంది. లక్షలాది మంది యువతీ యువకులు రైల్వే రిక్రూట్‌మెంట్ పరీక్ష కోసం సన్నద్ధమౌతుంటారు. రైల్వేలో కొన్ని ఉద్యోగాల భర్తీకు ఒక పరీక్ష ఉంటే..కొన్ని ఉద్యోగాలకు రెండు దశల్లో పరీక్షలుంటాయి. ఒకవేళ మీరు కూడా రైల్వే రిక్రూట్‌మెంట్ పరీక్షకు సన్నద్ధమౌతుంటే..మీ కోసం కొన్ని అద్భుతమైన ట్రిక్స్, టిప్స్ అందిస్తున్నాం. వీటి సహాయంతో మీ ప్రిపరేషన్ మరింత సులభమౌతుంది.
రైల్వే రిక్రూట్‌మెంట్ పరీక్షకు 5 టిప్స్
ముందుగా దేనికోసం ప్రిపేరవుతున్నారో ఆ సిలబస్ అధికారిక వెబ్‌సైట్ నుంచి డౌన్‌లోడ్ చేసుకోండి. ఆ తరువాత సిలబస్ పూర్తిగా చదవండి. దీనికోసం ఓ షెడ్యూల్ సిద్ధం చేసుకుని ప్రతిరోజూ క్రమం తప్పకుండా చదవండి. ఇది ప్రిపరేషన్‌లో మొదటి దశ. ప్లానింగ్ సరిగ్గా ఉంటే విజయం మీదే.
రెండవది టైమ్ మేనేజ్‌మెంట్ ముఖ్యం. సిలబస్‌లోని వివిద అంశాల్ని టైమ్‌కు అనుగుణంగా విభజించి...ప్రాక్టీసు ప్రారంభించండి. కఠినంగా ఉన్న అంశాలకు ఎక్కువ సమయం కేటాయించండి. ప్రతిరోజూ క్రమం తప్పకుండా ప్రాక్టీసు చేయండి
కాంపిటీటివ్ పరీక్షల్లో ఉత్తీర్ణత సాధించాలంటే స్మార్ట్‌వర్క్ తప్పనిసరి. స్మార్ట్‌వర్క్, టైమ్ మేనేజ్‌మెంట్, హార్డ్‌వర్క్ మూడూ కలిస్తే అద్భుతాలు చేయవచ్చు. సరైన ప్రణాళికతో చదివితే కచ్చితంగా ఫలితాలు బాగుంటాయి. ప్రిపరేషన్ సమయంలో అభ్యర్ధులు ఒత్తిడికి గురి కాకుండా ఉండాలి. మానసికంగా ధృడంగా ఉండాలి. మానసిక ఆరోగ్యం సరిగ్గా లేకపోతే ఎంత చదివినా ప్రయోజముండదు. ఎప్పుడూ పాజిటివ్ థింకింగ్ అలవర్చుకోవాలి.
ప్రిపరేషన్ పూర్తయిన తరువాత రివిజన్ అనేది చాలా ముఖ్యం. ముఖ్యమైన అంశాలు చిన్న చిన్న నోట్స్‌గా చేసుకుని..ప్రిపేర్ కావాలి. సాధ్యమైనన్ని ఎక్కువ మాక్ టెస్టులు రాస్తే ప్రయోజనముంటుంది. గత సంవత్సరపు పరీక్ష పేపర్లు తప్పకుండా ఫాలో కావాలి.
Also read: Highest Paid Jobs: మీరు ఊహించని అత్యధిక జీతాల కేంద్ర ప్రభుత్వ కొలువులు ఇవే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
