JEE Mains: దేశంలోని ప్రతిష్ఠాత్మక ఐఐటీల్లో ఇంజనీరింగ్ కోసం నిర్వహించే జేఈఈ పరీక్షలు మరోసారి వాయిదా పడ్డాయి. తిరిగి ఎప్పుడు నిర్వహించేది నేషనల్ టెస్టింగ్ ఏజెన్సీ వెల్లడించింది.
ఇంజనీరింగ్, టెక్నికల్ కోర్సులు చేసేందుకు దేశంలోని ప్రఖ్యాత సంస్థలు ఐఐటీ, ఎన్ఐటీ. ఈ రెండింటిలో చేరాలంటే నేషనల్ టెస్టింగ్ ఏజెన్సీ నిర్వహించే జేఈఈ మెయిన్స్ లేదా అడ్వాన్స్ పరీక్షలు రాయాల్సిందే. ఇప్పటికే రెండుసార్లు వాయిదా పడిన జేఈఈ మెయిన్స్ 2022 పరీక్షలు మరోసారి వాయిదా పడ్డాయి. జేఈఈ పరీక్షల కారణంగానే ఏపీ, తెలంగాణలో ఇంటర్ పరీక్షల తేదీలు మార్చుకోవల్సి వచ్చింది. ఈసారి ఈ పరీక్షలు జూన్, జూలై నెలల్లో జరగనున్నాయి.
తొలి విడత జేఈఈ మెయిన్స్ పరీక్షలు జూన్ 20 నుంచి 29వ తేదీ వరకూ జరగనుండగా..రెండవ విడత జేఈఈ మెయిన్స్ పరీక్షలు జూలై 21 నుంచి 30 వరకూ జరగనున్నాయని నేషనల్ టెస్టింగ్ ఏజెన్సీ ప్రకటించింది. వాస్తవానికి ఏప్రిల్, మే నెలల్లో జేఈఈ మెయిన్స్ పరీక్షలు జరగాల్సి ఉన్నాయి. ఏప్రిల్ 21 నుంచి మే 4 వరకూ జరగాల్సిన జేఈఈ మెయన్స్ తొలి విడత పరీక్షలు జూన్ 20 నుంచి జూన్ 29 వరకూ జరగనున్నాయి. అదే విధంగా మే 24 నుంచి 29 వరకూ జరగాల్సిన రెండవ విడత పరీక్షలు జూలై 21 నుంచి 30 వరకూ జరగనున్నాయి. దేశవ్యాప్తంగా అభ్యర్ధుల విజ్ఞప్తి మేరకే జేఈఈ పరీక్షల తేదీలు మరోసారి మార్చాల్సి వచ్చిందని ఎన్టీఏ తెలిపింది. దేశవ్యాప్తంగా దాదాపు పదిలక్షల మంది విద్యార్ధులు జేఈఈ పరీక్షలు రాస్తుంటారు.
Also read: Indian Railways Latest News: రైలు ప్రయాణికులకు గుడ్ న్యూస్- ఆ సేవలు ప్రారంభం
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
