Raviteja in Waltair Veerayya : మెగాస్టార్ చిరంజీవి హీరోగా, శ్రుతి హాసన్ హీరోయిన్‌గా డైరెక్టర్ బాబీ తెరకెక్కిస్తున్న చిత్రం వాల్తేరు వీరయ్య. ఈ మూవీ సంక్రాంతి బరిలోకి దిగింది. బాలయ్య వీర సింహా రెడ్డికి పోటీగా వాల్తేరు వీరయ్య సినిమా రాబోతోంది. అయితే ఇప్పుడు వాల్తేరు వీరయ్యలో రవితేజ పాత్రకు సంబంధించిన అప్డేట్ వచ్చింది. ఈ సినిమాలో రవితేజ ఏసీపీ విక్రమ్ సాగర్‌గా కనిపించబోతోన్నాడు. మేక పిల్లను భుజాన ఎత్తుకుని, సిలిండర్‌ను గొడ్డలితో లాక్కుంటూ వచ్చిన ఈ చిన్న పాటి టీజర్ అదిరిపోయింది. తెలంగాణ యాసలో రవితేజ చెప్పిన డైలాగ్స్ సైతం అదిరిపోయాయి.
ఇక రవితేజ, చిరంజీవి పాత్రల గురించి ఇది వరకు ఎన్నో రకాల రూమర్లు వచ్చాయి. ఇది సవతి తల్లి కొడుకుల కథ అని, అన్నదమ్ముల పాత్రల్లో కనిపించనున్నారంటూ టాక్స్ వచ్చాయి. మరి రవితేజ పాత్రకు సంబంధించిన ఇంట్రొడక్షన్ టీజర్ చూస్తే మాత్రం ఏదో తేడాగా ఉంది. వీరయ్య ఉత్తరాంధ్రకు చెందిన వ్యక్తిలా అనిపిస్తుంటే.. ఏసీపీ విక్రమ్ సాగర్ మాత్రం తెలంగాణ ప్రాంతానికి చెందిన వ్యక్తిలా అనిపిస్తోంది.
మొత్తానికి బాబీ మాత్రం వాల్తేరు వీరయ్యతో సంక్రాంతి బరిలో దుమ్ములేపేందుకు రెడీ అవుతోన్నాడు. జనవరి 13న ఈ సినిమా థియేటర్లోకి రాబోతోంది. మైత్రి మూవీస్ తన సినిమాలను ఇకపై సొంతంగా డిస్ట్రిబ్యూట్ చేసేందుకు రెడీ అయింది. ఈ మధ్యే డిస్ట్రిబ్యూషన్ ఆఫీస్‌ను ప్రారంభించింది మైత్రి. వాల్తేరు వీరయ్య, వీర సింహా రెడ్డి సినిమాలను మైత్రి మూవీస్ నైజాం ఏరియాలో సొంతంగా రిలీజ్ చేస్తోందట. దిల్ రాజును ఢీ కొట్టేందుకు ఇదే సరైన సమయం అని అంతా భావిస్తున్నారట.
మరి సంక్రాంతి బరిలో ఈ రెండు చిత్రాలు సక్సెస్ అయితే మాత్రం మైత్రికి నైజాంలో తిరుగులేకుండా పోతోంది. ఇక దిల్ రాజు వారసుడు సినిమా ఏ రేంజ్‌లో ఆడుతుందో మన తెలుగు సినిమాలు ఎలా ఆడతాయో చూడాలి.
Also Read : Ustaad Bhagat Singh: పవన్ కళ్యాణ్‌ సినిమాకు టైటిల్ మార్పు.. 'ఉస్తాద్ భగత్ సింగ్'గా వస్తున్న పవర్ స్టార్
Also Read : Shruti Haasan Breakup : బ్రేకప్ చెప్పేసిందా?.. రియలైజ్ అయినట్టుగా పోస్ట్ పెట్టేసిన శ్రుతి హాసన్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
